വടകര: വടകരയില് നിന്ന് കൊയിലാണ്ടി, പയ്യോളി-പേരാമ്പ്ര, കോട്ടക്കല്-കൊളാവിപാലം 
റൂട്ടുകളില് സര്വീസ് നടത്തുന്ന ബസുകളിലെ തൊഴിലാളികള് നടത്തിവന്ന ബസ് സമരം കളക്ടര് എം.എസ്. മാധവിക്കുട്ടി വിളിച്ച് ചേര്ത്ത യോഗത്തില് ഒത്തുതീര്ന്നു.
ഈ റൂട്ടുകളിലെ ബസുകള് ഒക്ടോബര് 15 വരെ ലിങ്ക് റോഡ് കേന്ദ്രമായി സര്വീസ് നടത്താനും അതിനുള്ളില് വടകര ഡിവൈഎസ്പി കണ്വീനറായ വിദഗ്ധ സമിതി ഗതാഗത പ്രശ്നം പഠിച്ച് റിപ്പോര്ട്ട് സമര്പിക്കാനും തീരുമാനമായി.
ഇന്ന് രാവിലെ കളക്ടറേറ്റില് ചേര്ന്ന
യോഗത്തില് പോലീസിലെയും മോട്ടോര്വാഹന വകുപ്പിലെയും ഉന്നത ഉദ്യോഗസ്ഥരും യൂനിയന് നേതാക്കളും ബസുടമസ്ഥ സംഘം പ്രതിനിധികളും പങ്കെടുത്തു.
ലിങ്ക് റോഡ് കേന്ദ്രമായ ബസ് സര്വീസ് പഴയ സ്റ്റാന്റിലേക്ക് മാറ്റിയതിനെതിരെ ഇക്കഴിഞ്ഞ തിങ്കളാഴ്ച മുതലാണ് ബസ് തൊഴിലാളികള് സമരം തുടങ്ങിയത്.
