തിരുവനന്തപുരം: സ്ത്രീകള്ക്കെതിരായ പരാമര്ശത്തില് ഖേദം പ്രകടിപ്പിച്ച് ഗതാഗത മന്ത്രി സി.പി. ജോണ്. സ്ത്രീകളെ അടച്ചാക്ഷേപിക്കാന് ഉദ്ദേശിച്ചിട്ടില്ല. ഈ സര്ക്കാരാണ് 
പ്രിയദര്ശിനി പദ്ധതി തുടങ്ങിയത്. ചില പ്രസ്താവനകള് കണ്ടപ്പോള് തോന്നിയത് പ്രിയദര്ശിനി വേറാരോ തുടങ്ങിയത് ഈ സര്ക്കാര് നിര്ത്തലാക്കാന് പോകുന്നു എന്ന തരത്തിലാണ്. .
ഇന്നലെ യോഗത്തില് വളരെ കാഷ്വലായിട്ടാണ് സംസാരിച്ചത്. അതില് പറയണ്ടാതിരുന്ന ചില വാക്കുകള് ഉപയോഗിച്ചതായി തോന്നി. അത് ഇന്നലെ തന്നെ വ്യക്തമാക്കിയതാണ്. ആ വാക്കുകള് ആ യോഗത്തിലിരുന്ന ആര്ക്കെങ്കിലും ബുദ്ധിമുട്ടുകള് ഉണ്ടാക്കിയിട്ടുണ്ടാകും. അത്തരം വാക്കുകള് പാടില്ലായിരുന്നു. തീര്ച്ചയായും ശ്രദ്ധിക്കണമായിരുന്നു. അതു പറയാന് 
ഒരു ഈഗോയും തനിക്കില്ലെന്നും മന്ത്രി സിപി ജോണ് പറഞ്ഞു.
സ്ത്രീകളോട് ഒരു തരത്തിലുള്ള വിവേചനവും ഇല്ലാതെയാണ് സര്ക്കാര് പെരുമാറുന്നത്. പാവപ്പെട്ടവരെന്നോ പണക്കാരെന്നോ ഒരു വിവേചനവും ഇല്ല. ഏതൊരു സ്ത്രീക്കും പ്രിയദര്ശിനിയില് പോകാനുള്ള അവകാശമുണ്ട്. അത് ആരുടെയും ഔദാര്യമല്ല. അത്തരത്തില് ഒരുതരത്തിലുള്ള ധാരണകളും ഐക്യജനാധിപത്യ മുന്നണിക്കില്ല. പ്രിയദര്ശിനി സ്കീം ഈ സര്ക്കാരിന്റെ ശിശുവാണ്. അതിനെ നല്ല രീതിയില് മുന്നോട്ടു കൊണ്ടുപോകുമെന്നും മന്ത്രി സിപി ജോണ് പറഞ്ഞു.
