മണിയൂര്: കരുവഞ്ചേരിയില് ബ്ലോക്ക് കോണ്ഗ്രസ് സെക്രട്ടറി ബാബു മുതുവീട്ടിലിന്റെയും യൂത്ത് കോണ്ഗ്രസ് പാലയാട് മണ്ഡലം പ്രസിഡന്റ് വിഷ്ണു മുതുവീട്ടിലിന്റെയും വീടിന് നേരെ നടന്ന ബോംബേറ് നാടിന്റെ സമാധാന അന്തരീക്ഷം തകര്ക്കാന് ലക്ഷ്യം വെച്ചുള്ളതാണെന്ന് മുസ്ലിം ലീഗ് സംസ്ഥാന സെക്രട്ടറിയും മുന് എംഎല്എയുമായ പാറക്കല് അബ്ദുള്ള പറഞ്ഞു. തെരഞ്ഞെടുപ്പിലെ ജയ പരാജയങ്ങളെ ചൊല്ലി നാട്ടില് അശാന്തി വിതക്കാന് ശ്രമിക്കുന്ന ദുഷ്ടശക്തികളെ ഒന്നിച്ച് നേരിടേണ്ടതുണ്ട്. വടകരയുടെ മണ്ണ് സ്നേഹത്തിന്റെയും പരസ്പര സഹവര്ത്തിത്വത്തിന്റെയും മണ്ണാണ്. അതിനെ നശിപ്പിക്കാന് ശ്രമിക്കുന്ന സാമൂഹ്യദ്രോഹികളെ
എത്രയും പെട്ടെന്ന് പിടികൂടാന് പോലീസും അധികാരികളും മുന്നിട്ടിറങ്ങണമെന്നും പാറക്കല് അബ്ദുള്ള ആവശ്യപ്പെട്ടു.