തിരുവനന്തപുരം: കേരളത്തില് മഴ കനക്കുന്ന സാഹചര്യത്തില് കൂടുതല് ജില്ലകള്ക്ക് റെഡ് അലര്ട്ട് പ്രഖ്യാപിച്ചു. ഇടുക്കി, തൃശൂര്, മലപ്പുറം, കോഴിക്കോട് ജില്ലകള്ക്കുപുറമെ 
പത്തനംതിട്ട, കോട്ടയം, വയനാട്, കണ്ണൂര്, കാസര്കോട് ജില്ലകള്ക്കാണ് റെഡ് അലര്ട്ട് നല്കിയിരിക്കുന്നത്. ഇന്ന് മിക്ക ജില്ലകള്ക്കും റെഡ്, ഓറഞ്ച് അലര്ട്ടുണ്ട്.
അതിതീവ്രമായ മഴയ്ക്കുള്ള സാധ്യത പരിഗണിച്ചാണ് ചില ജില്ലകള്ക്ക് റെഡ് അലര്ട്ട് പ്രഖ്യാപിച്ചിരിക്കുന്നത്. 24 മണിക്കൂറില് 204.4 മില്ലിമീറ്റര് മുതല് കൂടുതല് മഴ ലഭിക്കുന്നതാണ് അതിതീവ്രമായ മഴ എന്നത് കൊണ്ട് കാലാവസ്ഥ വകുപ്പ് അര്ത്ഥമാക്കുന്നത്.
തിരുവനന്തപുരം, കൊല്ലം, ആലപ്പുഴ, 
എറണാകുളം, പാലക്കാട് എന്നീ ജില്ലകളില് കേന്ദ്ര കാലാവസ്ഥ വകുപ്പ് ഓറഞ്ച് അലര്ട്ട് പ്രഖ്യാപിച്ചിരിക്കുന്നു. ഒറ്റപ്പെട്ടയിടങ്ങളില് അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില് 115.6 മില്ലിമീറ്റര് മുതല് 204.4 മില്ലിമീറ്റര് വരെ മഴ ലഭിക്കുമെന്നാണ് അതിശക്തമായ മഴ എന്നത് കൊണ്ട് കാലാവസ്ഥ വകുപ്പ് അര്ഥമാക്കുന്നത്.
