കുറ്റ്യാടി: ജില്ലയിലെ പരിസ്ഥിതി വിദ്യാഭ്യാസ പദ്ധതിയായ സേവിന്റെ നേതൃത്വത്തില് പ്രശസ്ത പരിസ്ഥിതി പ്രവര്ത്തകന് പ്രെഫസര് ശോഭീന്ദ്രന്റെ സ്മരണയില് സംഘടിപ്പിച്ച 
പതിമൂന്നാമത് മഴയാത്ര കുട്ടികള് ആഘോഷവും ഹൃദ്യവുമാക്കി. ആയിരത്തോളം കുട്ടികള് പങ്കെടുത്ത മഴയാത്ര കുറ്റ്യാടി ചുരത്തില് വാളാന്തോട് നിന്ന് ആരംഭിച്ച് മഴയുടെയും കാടിന്റെയും ഭംഗി ആസ്വദിച്ച് മുന്നേറി. കണ്ടല് സംരക്ഷകന് സുരേന്ദ്രന് ധര്മ്മടം ഉദ്ഘാടനം ചെയ്തു. ജീവനും മഴയും എന മഴയാത്രയുടെ മുദ്രാവാക്യം ഹൃദയത്തോട് ചേര്ത്ത് വെച്ചാണ് കുട്ടികള് ചുരമിറങ്ങിയത്. വാളാന്തോട് നിന്ന് ആരംഭിച്ച് പക്രന്തളത്ത് നിന്നു കാനന 
പാതയിലൂടെ മൂന്ന് കിലോമീറ്റര് സഞ്ചരിച്ച് വെള്ളച്ചാട്ടത്തില് കുളിച്ച് തിരിച്ച് ഹില്ബറ ജംഗ്ഷനില് സമാപിച്ചു. കുട്ടികള് ആടിയും പാടിയും വിത്തുകള് കാട്ടിലേക്ക് എറിഞ്ഞും മഴയാത്ര സുന്ദരമാക്കി. യാത്രയോടനുബന്ധിച്ച് മഴവര, മഴപ്പാട്ട്, മഴക്യാമ്പ് എന്നിവ സംഘടിപ്പിച്ചു. വനമിത്രാ അവാര്ഡ് ജേതാവ് ഡോ. ദിലീപ് കോട്ടേമ്പ്രം, സാജിര് തലപ്പുഴ, നന്ദന് മുള്ളമ്പത്ത് സി.കെ.രാജലക്ഷ്മി എന്നിവര് വിവിധ സെഷന് കൈകാര്യം ചെയ്തു. രജീഷ് കക്കറമുക്ക്, പവിത്രന് കുറ്റ്യാടി എന്നിവരുടെ നേതൃത്വത്തില് നാടന്പ്പാട്ടും 
അരങ്ങേറി. വിദ്യാലയങ്ങളുടെ പങ്കാളിത്തം, വേഷവിതാനം, കലാരൂപങ്ങള്, കലാ അവതരണം, പ്രകൃതി സൗഹൃദം എന്നിവയെ മുന്നിര്ത്തി വിജയികളെ കണ്ടെത്തി. എയുപി സ്കൂള് പന്തീരാങ്കാവ്, യുപി സ്കൂള് മയ്യന്നൂര്, ഹൈടെക് പബ്ലിക് സ്കുള് എന്നിവ യഥാക്രമം ഒന്നും രണ്ടും മൂന്നും സ്ഥാനം നേടി. മഴയാത്ര വിജയികള്ക്ക് യഥാക്രമം പ്രെഫ. ശോഭീന്ദ്രന് സ്മാരക എവര് റോളിംഗ് ട്രോഫിയും സുഗതകുമാരി ടീച്ചര് സ്മാരക എവര്റോളിംഗ് ട്രോഫിയും നല്കി. സേവ് ചെയര്മാന് ഡോ. ഇ.കെ.സുരേഷ് കുമാര് അധ്യക്ഷത 
വഹിച്ചു. സെഡ്.എ.സല്മാന്, ആഷോ സമം, രജീഷ് പുത്തഞ്ചേരി, സുമ പള്ളിപ്രം, സന്ധ്യ കരണ്ടോട്, ഹാഫിസ് പൊന്നേരി, ലത്തീഫ് കുറ്റിപ്പുറം, എ.കെ.സുരേഷ് കുമാര് എന്നിവര് സംസാരിച്ചു. ഷൗക്കത്തലി എരോത്ത് സ്വാഗതവും പി.പി.ആദിത്ത് നന്ദിയും പറഞ്ഞു. ടീം ദുരന്തനിവാരണ സമിതി, ചുരം സംരക്ഷണ സമിതി എന്നീ സംഘടനകളുടെ സഹകരണത്തോടുകൂടിയാണ് മഴയാത്ര സംഘടിപ്പിച്ചത്.
