വടകര: ഇന്ത്യന്‍ അക്കാദമി ഓഫ് പീഡിയട്രിക്‌സ് (ഐഎപി) വടകര ബ്രാഞ്ച് പ്രസിഡന്റ് ഡോ.എം.നൗഷീദ് അനി സംസ്ഥാനത്തെ 
ബെസ്റ്റ് പ്രസിഡന്റ് പദവിക്ക് അര്‍ഹനായി. തൃശൂരില്‍ നടന്ന സംസ്ഥാന സമ്മേളനത്തില്‍ ഐഎപി സംസ്ഥാന പ്രസിഡന്റ് ഷിമ്മി പൗലോസില്‍ നിന്നു ഡോ. നൗഷീദ് അനി അവാര്‍ഡ് ഏറ്റുവാങ്ങി.
മികച്ച ബ്രാഞ്ചിനുള്ള സംസ്ഥാന തല അവാര്‍ഡ്, ലൈഫ് ഗാര്‍ഡ്‌സ്, ഗ്രീന്‍ ആര്‍മി എന്നിവയ്ക്കുള്ള പ്രത്യേക പുരസ്‌കാരവും ഐഎപി വടകരക്കു ലഭിച്ചു. വടകര പാര്‍ക്കോ ആശുപത്രിയിലെ നീയോ നെറ്റോളജി വിഭാഗം തലവനാണ് ഡോ. എം.നൗഷീദ് അനി.
