കൊയിലാണ്ടി: നവരാത്രികള്‍ക്കു ശേഷം തിന്മയുടെ മേല്‍ നന്മയുടെ വിജയം കുറിക്കുന്ന വിജയദശമി നാളില്‍ പിഷാരികാവില്‍ നൂറുകണക്കിനു കുരുന്നുകള്‍ അറിവിന്റെ 
ആദ്യാക്ഷരം കുറിച്ചു. ക്ഷേത്ര ദര്‍ശനത്തിനായി ആയിരങ്ങള്‍ എത്തിച്ചേര്‍ന്നു വാഹന പൂജയ്ക്കും നല്ല തിരക്ക് തിരക്ക് അനുഭവപ്പെട്ടു. എന്‍ നാരായണന്‍ മൂസ്സത്, സന്തോഷ് മൂസ്സത്, ഡോക്ടര്‍ ടി.രാമചന്ദ്രന്‍, കെ.പി.സുധീര, ചന്ദ്രശേഖരന്‍ തിക്കോടി തുടങ്ങിയവര്‍ ആദ്യാക്ഷരം കുറിക്കാന്‍ നേതൃത്വം നല്‍കി. പൊയില്‍ക്കാവ് ദുര്‍ഗ്ഗാ ക്ഷേത്രം, കൊരയങ്ങാട് മഹാഗണപതി ഭഗവതി ക്ഷേത്രം, പയറ്റുവളപ്പില്‍ ക്ഷേത്രം, കോതമംഗലം മഹാവിഷ്ണു ക്ഷേത്രം, കൊണ്ടം വള്ളി അയ്യപ്പ ക്ഷേത്രം, മനയടത്ത് പറമ്പില്‍ ക്ഷേത്രം തുടങ്ങി നിരവധി ക്ഷേത്രങ്ങളില്‍ 
എഴുത്തിനിരുത്തും നവരാത്രി പൂജകളും ഉണ്ടായിരുന്നു.
കലാക്ഷേത്രത്തില്‍ വിജയദശമി ആഘോഷം
കൊരയങ്ങാട് കലാക്ഷേത്രത്തില്‍ വിജയദശമി ആഘോഷിച്ചു. പൂജാകര്‍മങ്ങള്‍ക്ക് മനോജ് ശാന്തി കാര്‍മികത്വം വഹിച്ചു. സംഗീതം, നൃത്തം, ചിത്രരചന, സോപാന സംഗീതം പുതിയ ബാച്ചിലേക്കു പ്രവേശനോല്‍സവവും നടത്തി. ദേശീയ അവാര്‍ഡ് ജേതാവ് സായി പ്രസാദിന്റെ ശിക്ഷണത്തിലുള്ള ചിത്രരചനാവിദ്യാര്‍ത്ഥികളുടെ ചിത്ര പ്രദര്‍ശനം നിരവധി പേരെ ആകര്‍ഷിച്ചു. പുത്തന്‍ പുരയില്‍ ബിജു, ഗംഗാ ശശി, ജിഷ വിനോദ്, ഷല്‍മ പ്രബീഷ്, സന്ധ്യാ ഷാജു, വി.മുരളീകൃഷ്ണന്‍, സ്മിതാ ഉണ്ണി എന്നിവര്‍ നേതൃത്വം നല്‍കി.
