തൃശൂർ: മാസപ്പടിക്കേസിൽ സിഎംആർഎൽ എംഡി ശശിധരൻ കർത്തയുടെ ഡയറിയിൽ 
പണം കൈപ്പറ്റിയവരുടെ പട്ടികയിൽ തന്റെ പേരും ഉൾപ്പെട്ടതിൽ പ്രതികരിച്ച് മന്ത്രി കെ. മുരളീധരൻ. ഡയറിയെക്കുറിച്ച് അന്വേഷിക്കട്ടെയെന്നും അതിന് കുഴപ്പമില്ലെന്നും അദ്ദേഹം പ്രതികരിച്ചു. നിയമം നിയമത്തിന്റെ വഴിക്ക് പോകണമെന്നും അദ്ദേഹം വ്യക്തമാക്കി. ശശിധരൻ കർത്തയുടെ ഡയറിയുടെ പേജ് പുറത്തുവിട്ട് ബിജെപി നേതാവ് ഷോൺ ജോർജ് രംഗത്തെത്തിയത് ചർച്ചയായതോടെയാണ് മന്ത്രിയുടെ പ്രതികരണം.
തെരഞ്ഞെടുപ്പ് കാലത്ത് പണം വാങ്ങിയിട്ടുണ്ടാകുമെന്നും തെരഞ്ഞെടുപ്പിന് പണം വാങ്ങുന്നതും അഴിമതിപ്പണവും രണ്ടും രണ്ടാണെന്നും അദ്ദേഹം പറഞ്ഞു. ഇഡി പറഞ്ഞത് 
കണ്ണടച്ച് വിശ്വസിക്കുന്ന സര്ക്കാരല്ല കേരളത്തിലേതെന്നും എന്നാല് ഇഡി ഔദ്യോഗികമായി ഒരു കാര്യം ആവശ്യപ്പെട്ടാല് നിര്വഹിച്ചേ പറ്റൂവെന്നും കെ. മുരളീധരന് വ്യക്തമാക്കി. എസ്എഫ്ഐഒ കോടതിയില് സമര്പ്പിച്ച രേഖയുടെ ഭാഗം പങ്കുവച്ചാണ് ഷോണ് ജോര്ജ് ഫേസ്ബുക്കിലൂടെ രംഗത്തെത്തിയത്. കേസില് പിണറായി വിജയനെതിരെ എന്തുകൊണ്ട് വിജിലന്സ് അന്വേഷണം ഇല്ലയെന്ന ചോദ്യമുയര്ത്തിയാണ് ഷോണിന്റെ പോസ്റ്റ്. വിജിലന്സ് അന്വേഷണം നടക്കാത്തതിന് പിന്നിലെ കാരണം മുഖ്യമന്ത്രി വി.ഡി സതീശന്റെ അടക്കം പേര് ഡയറിയില് ഉള്പ്പെട്ടതാണെന്നും അദ്ദേഹം ആരോപിക്കുന്നു. ഷോണ് ജോര്ജ് പുറത്തുവിട്ട ഡയറിയില് അന്തരിച്ച മുന് മുഖ്യമന്ത്രി ഉമ്മന് ചാണ്ടി, ആഭ്യന്തര മന്ത്രി രമേശ് ചെന്നിത്തല, മന്ത്രി കെ. മുരളീധരന്, ഹൈബി ഈഡന് ഉള്പ്പെടെയുള്ള പ്രമുഖ യുഡിഎഫ് 
നേതാക്കളുടെ പേരുകളും ഉള്പ്പെട്ടിട്ടുണ്ട്.’ആരോപണവിധേയനായ ആഭ്യന്തര മന്ത്രിയുടെ ഡിപാര്ട്മെന്റ് ഈ കേസില് എഫ്ഐആര് ഇടേണ്ടെന്ന് പൊലീസിനോട് പറയുകയാണ്. ഏത് തരത്തിലുള്ള അന്വേഷണം വേണമെന്ന് തീരുമാനിക്കുന്നത് പ്രതിയെന്ന നിലയില് സംശയിക്കപ്പെടുന്നയാളാണ്. കഴിഞ്ഞ മൂന്ന് മാസമായി മാധ്യമങ്ങളിലൂടെ എനിക്ക് ലഭിച്ച വിവരങ്ങളാണ് ഇന്ന് ഫേസ്ബുക്കിലൂടെ പങ്കുവച്ചത്. ആരോപണവിധേയമായ കമ്പനിയുടെ എംഡിയില്നിന്ന് പിടിച്ചെടുത്ത ഡയറിയിലെ സുപ്രധാന എന്ട്രികളടങ്ങിയ പേജാണ് അതിലുള്ളത്. അതില് മുഖ്യമന്ത്രിയുടെ പേരുമുണ്ട്. പിണറായി വിജയന്റെ പേര് ‘പി വി’ എന്നല്ല, ‘പിണറായി’ എന്ന് തന്നെയാണ് ഡയറിയിലുള്ളത്’- ഷോണ് ജോര്ജ് പറഞ്ഞു.
