വടകര: കണ്ണൂക്കര മാടാക്കര പള്ളിയിലുണ്ടായ സമീപകാല അസ്വാരസ്യങ്ങള്ക്കും സംഘര്ഷാവസ്ഥയ്ക്കും കാരണം ഖത്തീബിന്റെ ഏകപക്ഷീയമായ നിലപാടുകളും 
സിപിഎമ്മിന്റെ രാഷ്ട്രീയ ഇടപെടലുകളുമാണെന്ന് മഹല്ല് മുന് കമ്മിറ്റി ഭാരവാഹികള് വാര്ത്താ സമ്മേളനത്തില് ആരോപിച്ചു. മഹല്ലിലെ പൊതുവിശ്വാസികളുടെ വികാരത്തെ മാനിക്കാതെ ഖത്തീബ് മുന്നോട്ടുപോകുന്നത് പ്രദേശത്ത് വലിയ പ്രതിഷേധത്തിന് ഇടയാക്കിയിട്ടുണ്ട്.
വെള്ളിയാഴ്ചകളിലെ ജുമാ നിസ്കാരത്തിന് നേതൃത്വം നല്കുക എന്ന പ്രാഥമിക ചുമതല മാത്രമാണ് ഖത്തീബിനുള്ളത്. എന്നാല്, തീരുമാനങ്ങള്ക്ക് വിരുദ്ധമായി പള്ളിയുമായി 
ബന്ധപ്പെട്ട വിവിധ ചടങ്ങുകളിലും കാര്യങ്ങളിലും ഖത്തീബ് ഏകപക്ഷീയമായി ഇടപെടുന്നു. വിഷയത്തില് സിപിഎമ്മിന്റെ രാഷ്ട്രീയ താല്പര്യങ്ങള് കൂട്ടിക്കുഴച്ചതാണ് പ്രശ്നം കൂടുതല് വഷളാകാന് വഴിയൊരുക്കിയതെന്ന് മുന് ഭാരവാഹികള് ആരോപിക്കുന്നു. കഴിഞ്ഞ പഞ്ചായത്ത് തെരഞ്ഞെടുപ്പില് ഒഞ്ചിയം പിടിക്കാന് മാടാക്കര മേഖലയില് സിപിഎം ഗൂഢനീക്കം നടത്തിയെങ്കിലും വിജയിച്ചില്ല. ഇതിന്റെ ശ്രമമാണ് ഇപ്പോഴും തുടരുന്നത്. മഹല്ല് കമ്മിറ്റിയില് കയറിക്കൂടാനും പള്ളി പരിപാലനം കൈക്കലാക്കാനുമാണ് സിപിഎമ്മും എസ്ഡിപിഐയും ശ്രമിക്കുന്നതെന്ന് ഇവര് കുറ്റപ്പെടുത്തി. ലീഗ് നേതാവും കുറ്റ്യാടി എംഎല്എയുമായ പാറക്കല് അബ്ദുള്ളയുടെ ഭാഗത്ത് നിന്ന് യാതൊരു ഇടപെടല് 
ഉണ്ടായിട്ടില്ലെന്നും ഇവര് പറഞ്ഞു.
ഖത്തീബിന്റെ നിലപാടുകള് മഹല്ലിലെ സാധാരണക്കാരായ വിശ്വാസികള്ക്ക് ഉള്ക്കൊള്ളാന് കഴിയുന്നതല്ല. ഇതുസംബന്ധിച്ച പ്രതിഷേധമാണ് കഴിഞ്ഞ ദിവസം മാടാക്കര പള്ളിയില് അനിഷ്ട സംഭവങ്ങളിലേക്കും തര്ക്കങ്ങളിലേക്കും നയിച്ചത്. സമാധാന അന്തരീക്ഷം വീണ്ടെടുക്കുന്നതിനും മഹല്ലിന്റെ സുഗമമായ പ്രവര്ത്തനത്തിനും ഖത്തീബ് എത്രയും പെട്ടെന്ന് മാറിനില്ക്കണമെന്നും പള്ളിയിലുണ്ടായ പോലീസ് നടപടിയെ ന്യായീകരിച്ച മഹല്ല് കമ്മിറ്റി ഭാരവാഹികള് വിശ്വാസി സമൂഹത്തോട് മാപ്പ് പറയണമെന്നും ഇവര് ആവശ്യപ്പെട്ടു.
മുന് സെക്രട്ടറി പി.കെ.അഷ്റഫ്, മഹല്ല് ഖത്തര് കമ്മിറ്റി സെക്രട്ടറി കെ.ടി.കെ.ഇസ്മായില്, എം.കെ.ഇസ്മായില് ഹാജി, ടി.എന്.മുജീബ്, കെ.എം.സിദ്ദീഖ് എന്നിവര് വാര്ത്താസമ്മേളനത്തില് പങ്കെടുത്തു.
ഈ കാലഘട്ടത്തിൽ
കുടുംബത്തിൽ ഏറ്റവും
ആദ്യം എടുത്ത് വെക്കേണ്ടതാണ്
സ്റ്റാർ ഹെൽത്ത് ഇൻഷൂറൻസ്
യാദൃശ്ചികമായി വന്നു ചേരുന്ന
വലിയ ചികിത്സാ ചിലവുകൾക്ക്
ഇത് പരിഹാരം നൽകും
സുരേന്ദ്രനിലൂടെ ഹെൽത്ത്
ഇൻഷൂറൻസ് എടുക്കുമ്പോൾ
യാദൃശ്ചികമായി വന്നു ചേരുന്ന
ക്ലെയിമുകൾ വേഗത്തിലാവുന്നു
വിളിക്കുക
9447847414
9744847414
എ. സുരേന്ദ്രൻ
പ്രൊഫഷണൽ ഇൻഷൂറൻസ് അഡ്വൈസർ
എലൈറ്റ് & മില്ലേനീയർ & CEO ക്ലബ് മെമ്പർ
സ്റ്റാർ ഹെൽത്ത് ഇൻഷൂറൻസ്
