വടകര: ബസ് യാത്രക്കിടയില് വിദ്യാര്ഥിക്കെതിരെ ലൈംഗികാതിക്രമം നടത്തിയ കേസില് പ്രതി ചോമ്പാല പോലീസ് പിടിയില്. മണിയൂര് ചെരണ്ടത്തൂര് നീലിയേടത്ത് മീത്തല് 
ചന്ദ്രനെയാണ് (59) പോലീസ് സമര്ഥമായി പിടികൂടിയത്. കഴിഞ്ഞ ജൂണ് 16നാണ് കേസിനാസ്പദമായ സംഭവം. രാവിലെ സ്കൂളിലേക്ക് ബസില് പോകുകയായിരുന്ന വിദ്യാര്ഥിയെ മുക്കാളിയില് വെച്ച് പ്രതി ലൈംഗികാതിക്രമം നടത്തുകയും സ്കൂള് ബസ് സ്റ്റോപ്പില് ഇറങ്ങാന് അനുവദിക്കാതെ വടകരയിലേക്ക് കൂട്ടിക്കൊണ്ടു പോവുകയുമായിരുന്നു. ബസിലെ സിസിടിവിയില് പതിഞ്ഞ പ്രതിയുടെ ദൃശ്യങ്ങള് കേന്ദ്രീകരിച്ചും അതിക്രമത്തിനരായ കുട്ടിയില് നിന്നു ശേഖരിച്ച വിവരങ്ങളുടെയും 
അടിസ്ഥാനത്തില് പോലീസ് പ്രതിയെ പിടികൂടിയത്. പോലീസ് നടത്തിയ ശാസ്ത്രീയ അന്വേഷണത്തില് രൂപസാദൃശ്യമുള്ള നിരവധി ആളുകളെ നിരീക്ഷിച്ച് ഒടുവില് പ്രതിയെ പിടികൂടുകയായിരുന്നു. വടകര മജിസ്ട്രേറ്റ് കോടതിയില് ഹാജരാക്കിയ പ്രതിയെ 14 ദിവസത്തേക്ക് റിമാന്റ് ചെയ്തു. ചോമ്പാല എസ്എച്ച്ഒ ഷമീല് പി.പി, എഎസ്ഐ സിജില് കുമാര്, എസ്സിപിഒ ഷമീര് വി.കെ.ടി, സിപിഒമാരായ രജീഷ് ആര്, രാജേഷ് എം. കെ, ശ്രീജേഷ് .സി എന്നിവരടങ്ങിയ അന്വേഷണ സംഘമാണ് പ്രതിയെ പിടികൂടിയത്.
