കണ്ണൂര്: ബിഡിഎസ് വിദ്യാര്ഥി നിതിന് രാജിന്റെ മരണത്തില് ഉത്തരവാദികളെ അറസ്റ്റ് ചെയ്യണമെന്ന് ആവശ്യപ്പെട്ട് ദളിത് സംഘടനകള് നടത്തുന്ന ചൊവ്വാഴ്ചത്തെ സംസ്ഥാനതല
ഹര്ത്താലില് നിര്ബന്ധിതമായി വാഹനങ്ങള് തടയില്ലെന്നും ഹര്ത്താലുമായി പൊതുജനങ്ങള് സഹകരിക്കണമെന്നും നിതിന് രാജ് ആക്ഷന് കൗണ്സില് ആവശ്യപ്പെട്ടു. രാവിലെ ആറ് മുതല് വൈകിട്ട് ആറ് വരെ നടത്തുന്ന ഹര്ത്താലില് നിന്ന് അവശ്യസര്വീസുകളെ ഒഴിവാക്കും. 52 ദളിത് സംഘടനകളാണ് ഹര്ത്താലിന് നേതൃത്വം നല്കുന്നത്. രോഹിത് വെമുല നിയമം നടപ്പാക്കുക, നിതിന് രാജിന്റെ കുടുംബത്തിന് പത്ത് കോടി രൂപ നഷ്ടപരിഹാരം നല്കുക, അഞ്ചരക്കണ്ടി ഡെന്റല് കോളജിന്റെ അഫിലിയേഷന് റദ്ദാക്കുക, ജുഡീഷ്യല് മേല്നോട്ടത്തില് കേസന്വേഷണം നടത്തുക തുടങ്ങിയ ആവശ്യങ്ങളും ഉന്നയിച്ചാണ് ഹര്ത്താല്. ജസ്റ്റീസ് ഫോര് നിതിന്രാജ് ആക്ഷന് കൗണ്സിലും ദളിത് ആദിവാസി സംഘടനകളുമാണ് ഹര്ത്താലിന് ആഹ്വാനം ചെയ്തിരിക്കുന്നത്.
- Latest
- Trending
