ഒഞ്ചിയം: കേരളത്തില് ഇടതുപക്ഷ സര്ക്കാരിന്റെ ജനപക്ഷ വികസനത്തിന് ജനം അംഗീകാരം നല്കുമെന്നും സര്ക്കാരിന് മൂന്നാം ഊഴം ലഭിക്കുമെന്നും സിപിഐ നേതാവ് 
പന്ന്യന് രവീന്ദ്രന്. ഒഞ്ചിയത്ത് സിപിഐ. സംഘടിപ്പിച്ച മണ്ടോടി കണ്ണന് രക്തസാക്ഷിത്വ ദിനാചരണ പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കേരളത്തിലെ എല്ഡിഎഫ് സര്ക്കാര് സാധാരണക്കാരെ സംരക്ഷിക്കുന്ന നിലപാടാണ് സ്വീകരിച്ചത്. സര്ക്കാര് വിദ്യാലയങ്ങളുടെ മുഖച്ഛായ മാറി. പാവപ്പെട്ടവന് വീട് നല്കാനും ഈ സര്ക്കാരിന് കഴിഞ്ഞു. യുഡിഎഫിന്റെ മുന്സര്ക്കാരുകളുടെ ജനവിരുദ്ധ നയങ്ങള് ജനങ്ങള്ക്ക് മറക്കാന് കഴിയില്ലെന്നും അദ്ദേഹം പറഞ്ഞു. കേരളം ഇടതു പക്ഷത്തോടൊപ്പം നില്ക്കുമ്പോള് 
വികസന മുരടിപ്പ് നേരിടുന്ന വടകരയിലും ഈ നയത്തിനനുസൃതമായ രാഷ്ട്രീയമാറ്റം ഉണ്ടാവുമെന്നും അദ്ദേഹം കൂട്ടിച്ചേര്ത്തു.
കെ.ഗംഗാധരക്കുറുപ്പ് അധ്യക്ഷത വഹിച്ചു. സിപിഐ ജില്ലാ സെക്രട്ടറി അഡ്വ.പി.ഗവാസ്, എക്സിക്യൂട്ടീവ് അംഗങ്ങളായ ആര്.സത്യന്, അജയ് ആവള, മണ്ഡലം സെക്രട്ടറി എന്.എം.ബിജു, ഇ. രാധാകൃഷ്ണന്, വി.പി.രാഘവന് എന്നിവര് സംസാരിച്ചു. പരിപാടിയോടനുബന്ധിച്ച് നുറുകണക്കിന് പേര് പങ്കെടുത്ത പ്രകടനവും നടന്നു.
