വടകര: ലോക റീസൈക്ലിങ് ഡേയില്‍ വടകര പരിസ്ഥിതി കൂട്ടായ്മയുടെ നേതൃത്വത്തില്‍ സാന്‍ഡ് ബാങ്ക്‌സ് ശുചീകരിച്ചു. സഞ്ചാരികള്‍ അലക്ഷ്യമായി വലിച്ചെറിയുന്നവയും
വേലിയേറ്റ സമയത്ത് കടല്‍ നിക്ഷേപിക്കുന്നവയുമായ മാലിന്യങ്ങള്‍ പരിസ്ഥിതി കൂട്ടായ്മയുടെ നേതൃത്വത്തില്‍ നിയം ഫൗണ്ടേഷന്‍ ബിസ്ലേരി ബോട്ടില്‍ ഫോര്‍ ചെയ്ഞ്ചുമായി ചേര്‍ന്ന് ശുചീകരിച്ചു. പ്ലാസ്റ്റിക് സഞ്ചികള്‍, ലഘു ഭക്ഷണ കവറുകള്‍, ചെരിപ്പുകള്‍, ഡയപ്പെറുകള്‍, കുപ്പികള്‍ തുടങ്ങിയവയുടെ വലിയ ശേഖരം തന്നെ ഇവിടെ നിന്നും നീക്കം ചെയ്തു. കടല്‍ ഭിത്തിയുടെ കല്ലുകള്‍ക്കിടയില്‍ നിന്നു വളരെ ശ്രമപ്പെട്ടതാണ് മാലിന്യങ്ങള്‍ നീക്കം ചെയ്തത്. കടല്‍ത്തീരത്ത് നടന്ന ചടങ്ങില്‍ മാലിന്യമുക്തം നവകേരളം ജില്ലാ കോഡിനേറ്റര്‍ മണലില്‍ മോഹനന്‍ ശുചീകരണം ഉദ്ഘാടനം ചെയ്തു. പ്രൊഫ. ശോഭീന്ദ്രന്‍
ഫൗണ്ടേഷന്‍ പ്രസിഡണ്ട് വടയക്കണ്ടി നാരായണന്‍ അധ്യക്ഷനായി. സിനിമ സംവിധായകന്‍ പപ്പന്‍ നരിപ്പറ്റ, കോസ്റ്റല്‍ പോലീസ് ഓഫീസര്‍ എന്‍.എ.നവനീത്, കെ.ശ്രീനാഥ്, സാനു ചന്ദ്രന്‍, പി.അഞ്ചിത, ആസിഫ് കുന്നത്ത്, എ.വിശ്വനാഥന്‍, ജോഫിന്‍ ജോസ്, കെ.കെ.അന്‌സിന, എസ്.ശരത്, സായി കൃഷ്ണ, എം.വി.പ്രദീപ്കുമാര്‍, രമേശന്‍ ഊരാളുങ്കല്‍ തുടങ്ങിയവര്‍ സംസാരിച്ചു. ശേഖരിച്ച മാലിന്യങ്ങള്‍ സംസ്‌കരണത്തിന് അയക്കും. ഭാവിയില്‍ കൂടുതല്‍ പരിസ്ഥിതി പ്രവര്‍ത്തനങ്ങള്‍ ഏറ്റെടുത്ത് നടത്താനാണ് കൂട്ടായ്മ ലക്ഷ്യമിടുന്നത്.
- Latest
- Trending
