വടകര: മയക്ക് മരുന്നുകളുമായി പിടിയിലായ ഉത്തര് പ്രദേശ് സ്വദേശിക്ക് 23 വര്ഷം കഠിന തടവും 2,20,000 രൂപ പിഴയും ശിക്ഷ. ഉത്തര്പ്രദേശ് വാരാണസി ജില്ലയില് ലങ്കതാന മദര്വാന് 
ചിറ്റപ്പോര് വില്ലേജില് ദീപ്ന സഹാനിയെയാണ് (26) വടകര എന്ഡിപിഎസ് കോടതി ജഡ്ജ് വി.ജി.ബിജു ശിക്ഷിച്ചത്.
പിഴ അടച്ചില്ലെങ്കില് എട്ട് മാസം കൂടി കഠിന തടവ് അനുഭവിക്കണം. 2024 സെപ്തംബര് ഒന്നിനാണ് കേസിനാസ്പദ സംഭവം. കണ്ണൂര് താളിക്കാവ് എന്ന സ്ഥലത്തു വെച്ച് പ്രതിയെ 2.020 കിലോ ഗ്രാം കഞ്ചാവ്, 93.353 ഗ്രാം മെത്ത ഫിറ്റമിന്, 0.333 ഗ്രാം എല്എസ്ഡി എന്നിവ സഹിതം കണ്ണൂര് എക്സൈസ് എന്ഫോഴ്സ്മെന്റ് ആന്റ് ആന്റി നാര്ക്കോട്ടിക് സ്പെഷ്യല് സ്ക്വാഡാണ് പിടികൂടിയത്. പ്രോസിക്യൂഷന് വേണ്ടി സ്പെഷ്യല് പ്രോസിക്യൂട്ടര് വി.കെ.ജോര്ജ് ഹാജരായി.
