കടമേരി: ആര്എസി ഹയര് സെക്കന്ഡറി സ്കൂളില് എന്എസ്എസ്, സ്കൗട്ട് ഗൈഡ് നേതൃത്വത്തില് ലഹരി വിരുദ്ധ ദിനം ആചരിച്ചു. ലഹരി വിരുദ്ധ കയ്യൊപ്പ്, ബോധവല്ക്കരണ ക്ലാസ്, ലഹരി വിരുദ്ധ പ്രതിജ്ഞ എന്നീ വേറിട്ട പരിപാടികള് സംഘടിപ്പിച്ചു. ലഹരിക്കെതിരെ കയ്യൊപ്പ് ചാര്ത്തി മാധ്യമപ്രവര്ത്തകനും അധ്യാപകനുമായ ആര്.വിജയന് ദിനാചരണം ഉദ്ഘാടനം ചെയ്തു. എന്എസ്എസ് പ്രോഗ്രാം ഓഫീസര് കെ.പി.കുഞ്ഞമ്മദ് അധ്യക്ഷത വഹിച്ച ചടങ്ങില് സൗഹൃദ കോര്ഡിനേറ്റര് എ. ബീനകുമാരി, സ്കൗട്ട് ജില്ലാ അസിസ്റ്റന്റ് ഓര്ഗനൈസിംഗ് കമ്മീഷണര് എം.കെ മുഹമ്മദലി, എം.ഹാരിസ്, കെ. കെ മുഹമ്മദ് സലീം എന്നിവര് സംസാരിച്ചു. സ്കൗട്ട് മാസ്റ്റര് സിറാജ് സ്വാഗതവും ഗൈഡ് ക്യാപ്റ്റന് റസിയ എം നന്ദിയും പറഞ്ഞു.