ഭവന, കാര്‍ഷിക, തെഴില്‍ മേഖലക്ക് മുന്‍ഗണന; പന്തലായനി ബ്ലോക്കില്‍ 10 കോടിയുടെ ബജറ്റ്

കൊയിലാണ്ടി: പാര്‍പിട നിര്‍മാണത്തിനും കാര്‍ഷിക മേഖലയ്ക്കും ഊന്നല്‍ ല്‍കുന്ന ബജറ്റിന് പന്തലായനി ബ്ലോക്ക് പഞ്ചായത്ത് അംഗീകാരം നല്‍കി. 9,74,92,246 രൂപ വരവും 9,57,14,577 രൂപ ചെലവും പ്രതീക്ഷിക്കുന്ന ബജറ്റ് ബ്ലോക്ക് പഞ്ചായത്ത് വൈസ് പ്രസിഡന്റ് ചൈത്ര വിജയന്‍ അവതരിപ്പിച്ചു. ബ്ലോക്ക്പഞ്ചായത്ത് പ്രസിഡന്റ് പി.ബാബുരാജ് അധ്യക്ഷത വഹിച്ചു.
പാര്‍പ്പിടം, ആരോഗ്യ മേഖല, സ്വയം തൊഴില്‍ സംരംഭങ്ങള്‍, ശിശു ശാക്തീകരണം, യുവജനക്ഷേമം, കായിക വികസനം, അടിസ്ഥാന സ്ഥാപനങ്ങളുടെ വികസനം എന്നിവക്കാണ് പ്രാധാന്യം നല്‍കിയത്.
പാര്‍പ്പിട മേഖലയ്ക്ക് 1.049 കോടി, കാര്‍ഷിക മേഖലയ്ക്ക് മേഖല ഉള്‍പ്പെടെ 10 ലക്ഷം, ആരോഗ്യ മേഖലയ്ക്ക് 88.35, ക്ഷീരവികസനം 38 ലക്ഷം, ശുചിത്വം 34.33 ലക്ഷം, വനിത വികസനം 36.22 ലക്ഷം, റോഡുകള്‍ 42 ലക്ഷം, തോടു സംരക്ഷണം-3 ലക്ഷം, പൊതു കെട്ടിട നിര്‍മ്മാണങ്ങള്‍ക്ക് 47.84 ലക്ഷം എന്നിങ്ങനെയാണ് നീക്കി വെച്ചിരിക്കുന്നത്.
ഗ്രാമ പഞ്ചായത്ത് പ്രസിഡന്റമാരായ ബിന്ദുരാജന്‍, സതി കിഴക്കയില്‍, പഞ്ചായത്ത് സ്ഥിര സമിതി അധ്യക്ഷരരായ ജീവാനന്ദന്‍ ബിന്ദു സോമന്‍, അഭിനീഷ് അംഗങ്ങളായ എം.പി.മൊയ്തീന്‍ കോയ, എം.പി.രജുലാല്‍ എന്നിവര്‍ സംസാരിച്ചു.