വടകര: ക്ഷേമ പെന്ഷന്റെ കാര്യത്തില് സര്ക്കാര് വയോജനങ്ങളോട് കാണിക്കുന്നത് കടുത്ത വഞ്ചനയാണെന്ന് പ്രൈമറി കോഓപ്പ് സൊസൈറ്റീസ് അസാസിയേഷന് (പാക്സ്)
വടകര താലൂക്ക് കണ്വെന്ഷന് കുറ്റപ്പെടുത്തി. സാമൂഹ്യ സുരക്ഷാ പെന്ഷന് വീട്ടിലെത്തിച്ചു നല്കുന്നത് ദീര്ഘകാലമായി സഹകരണ ബാങ്കുകളിലൂടെയാണ്. സഹകരണ ബാങ്കുകളിലെ കളക്ഷന് ഏജന്റുമാര് പെന്ഷന് പാസാകുന്ന മുറക്ക് വൃദ്ധജനങ്ങള്ക്ക് നേരിട്ട് പണം കയ്യിലെത്തിക്കുകയായിരുന്നു. ധനകാര്യവകുപ്പിന്റെ പുതിയ ഉത്തരവ് പ്രകാരം എല്ലാ സാമൂഹ്യ സുരക്ഷ പെന്ഷനും ആധാര് ലിങ്ക് ചെയ്ത ദേശസാല്കൃത ബാങ്കുകള് മുഖന ആക്കിയിരിക്കുകയാണ്. പുതിയ വയോജന വകുപ്പ് രൂപീകരിച്ച കേരള സര്ക്കാര് വയോജനങ്ങളോട് കാണിക്കുന്ന കടുത്ത വഞ്ചനയാണിത്. നോട്ടു നിരോധന കാലത്തെ പോലെ ദേശസാല്കൃത ബാങ്കുകളില് വയോജനങ്ങള് ക്യൂ നിന്ന് പണം കൈപ്പറ്റേണ്ടിവരുമ്പോള് അനാരോഗ്യം കാരണം അകാല മരണം തന്നെ സംഭവിച്ചേക്കാം. സാമൂഹിക സുരക്ഷ ഉറപ്പു വരുത്തേണ്ട സര്ക്കാരിന്റെ ഈ ജനവിരുദ്ധ നടപടിയില്
പ്രൈമറി കോ-ഓപ്പ് സൊസൈറ്റീസ് അസാസിയേഷന് (പാക്സ്) വടകര താലൂക്ക് കണ്വെന്ഷന് അതിയായ ആശങ്കയും പ്രതിഷേധവും രേഖപ്പെടുത്തി. വടകര ടൗണ്ഹാളില് ചേര്ന്ന താലൂക്ക് കണ്വെന്ഷന് പാക്സ് സംസ്ഥാന വൈസ് പ്രസിഡന്റ് മനയത്ത് ചന്ദ്രന് ഉദ്ഘാടനം ചെയ്തു. സെക്രട്ടറി വി.ദിനേശന് സ്വാഗതം പറഞ്ഞ ചടങ്ങില് പ്രസിഡന്റ് കെ.കെ.കൃഷ്ണന് അധ്യക്ഷനായി. പാക്സ് ജില്ലാ സെക്രട്ടറി പി.കെ.ദിവാകരന്, സി.ഭാസ്ക്കരന്, കെ.എം.ബാബു, എം.എം.അശോകന്, കെ.കെ.പാര്ഥന്, ലിനീഷ് പാലയാടന്, പി.പി.ശ്രീധരന്, വി.പി.ഗോപാലകൃഷ്ണന് എന്നിവര് സംസാരിച്ചു.
- Latest
- Trending
