കൊയിലാണ്ടി: പ്രമുഖ സോഷ്യലിസ്റ്റ് നേതാവ് ചേമഞ്ചേരിയിലെ കെ. ശങ്കരന് മാസ്റ്റര് (74) അന്തരിച്ചു. ചേമഞ്ചേരി യുപി സ്കൂള് റിട്ട. അധ്യാപകനും ജനതാദള് സംസ്ഥാന വൈസ് 
പ്രസിഡന്റ് ആയിരുന്നു. അടിയന്തിരാവസ്ഥക്കാലത്ത് പോലീസിന്റെ ഭീകര മര്ദ്ദനത്തിന് ഇരയായിട്ടുണ്ട്. ചേമഞ്ചേരി ദേശ സേവാ സംഘം ഗ്രന്ഥശാലയുടെ സ്ഥാപക പ്രസിഡന്റ് ആണ്. ചേമഞ്ചേരി ഗ്രാമ പഞ്ചായത്ത് പ്രസിഡന്റ്, രണ്ട് തവണ കോഴിക്കോട് ജില്ലാ പഞ്ചായത്ത് അംഗം, കോഴിക്കോട് ജില്ലാ സഹകരണ ബാങ്ക് ഡയറക്ടര്, തൃക്കോട്ടൂര് ലേബര് കോണ്ട്രാക്ട് സൊസൈറ്റി പ്രസിഡന്റ്, കെഎസ്എഫ്ഇ ഡയറക്ടര് ബോര്ഡ് മെമ്പര് എന്നീ നിലകളില് പ്രവര്ത്തിച്ചിട്ടുണ്ട്.
ഭാര്യ: സൗമിനി. മക്കള്: ശ്യാമ (കോഴിക്കോട് യൂണിവേഴ്സിറ്റി), സൗമ്യ (ബംഗളൂരു), സൂര്യ. മരുമക്കള്: നവനീത് (അധ്യാപകന്, ഗവ. ഹയര് സെക്കന്ററി സ്കൂള് കൊയിലാണ്ടി), മായങ്ക് (ബംഗ്ലൂരു).
