വടകര: മടപ്പള്ളികോളജ് പൂർവ വിദ്യാർഥി സംഘടനയായ സിമാക് നേതൃത്വത്തിൽ യുപി,
ഹൈസ്കൂൾ വിദ്യാർഥികൾക്കായി മെഗാ ക്വിസ് മത്സരം സംഘടിപ്പിക്കുന്നു. പത്താം തിയ്യതി ഞായറാഴ്ച രാവിലെ 9.30 ന്വടകര ടൗൺ ഹാളിൽ പരിപാടി നടക്കുമെന്ന് സംഘാടകർ വാർത്താസമ്മേളനത്തിൽ പറഞ്ഞു. മുൻകൂട്ടി പേർ രജിസ്റ്റർ ചെയ്ത അഞ്ഞൂറോളം പേർ മത്സരത്തിൽ പങ്കെടുക്കും. ‘മഹാത്മ ഗാന്ധി, ജവഹർലാൽ നെഹ്റു, സ്വതന്ത്ര ഇന്ത്യ കൈവരിച്ച നേട്ടങ്ങൾ’ എന്നതാണ് മത്സര വിഷയം. ഒന്നും രണ്ടും മൂന്നും സ്ഥാനങ്ങൾ നേടുന്ന വിദ്യാർഥികൾക്ക് യഥാക്രമം 3000, 2000, 1000 രൂപ കാഷ് പ്രൈസ് നൽകും. ആദ്യത്തെ 10 സ്ഥാനക്കാർക്ക് പ്രോത്സാഹന സമ്മാനങ്ങൾ നൽകും. പരിപാടിയുടെ ഉദ്ഘാടനം രാവിലെ 9.30 ന് കെ. കെ.രമ എംഎൽഎ നിർവഹിക്കും. മാതൃഭൂമി ന്യൂസ് എഡിറ്റർ എം.പി. സൂര്യ ദാസ് സമ്മാനം വിതരണം ചെയ്യും. വാർത്താ 
സമ്മേളനത്തിൽപ്രൊഫ: കെ.പി. അമ്മുക്കുട്ടി, കെ. മുരളീധരൻ, ബാബു ബാലവാടി, ഇ.സി. പ്രകാശൻ, പി.വി. ശ്രീകുമാർ, സി.എം. സതീശൻ എന്നിവർ പങ്കെടുത്തു.
