വടകര: മേപ്പയില് ഐപിഎം അക്കാദമിയുടെ വോളിബാള് സമ്മര് കോച്ചിംഗ് ക്യാമ്പിന് ആവേശത്തുടക്കം. അഞ്ച് ആഴ്ച നീണ്ടുനില്ക്കുന്ന ക്യാമ്പിന്റെ ഉദ്ഘാടനം തോടന്നൂര് 
ബ്ലോക്ക് പഞ്ചായത്ത് പ്രസിഡന്റും വോളിബാള് സംഘാടകനുമായ ടി.കെ.അഷ്റഫ് നിര്വഹിച്ചു. ടി.പി രാധാകൃഷ്ണന് അധ്യക്ഷത വഹിച്ചു. മുന് സര്വീസസ് താരവും ഇന്ത്യന് ക്യാപ്റ്റനുമായ ഷിജാസ് മുഹമ്മദ് മുഖ്യാതിഥിയായി. ടി.പി മുസ്തഫ, പി.കെ.രാമചന്ദ്രന്, കുഞ്ഞിരാമന്, എം.മുരളി, സി.സി അബ്ബാസ്, വി.പി മൂസ നാസര്, വി.എം.ഷീജിത്ത്, വി.കെ.പ്രദോഷ്, ജി.ജയന് എന്നിവര് സംസാരിച്ചു. സര്വീസസ് താരവും ഐപിഎം ചീഫ് കോച്ചും ഇക്കഴിഞ്ഞ ഫെഡറേഷന് കപ്പില് കേരളാ ടീമിന്റെ ചീഫ് കോച്ചുമായിരുന്ന 
വി.എം.ഷീജിത്തിന്റെ നേതൃത്വത്തിലുള്ള കോച്ചിങ് നിരയാണ് ക്യാമ്പിന് നേതൃത്വം നല്കുന്നത്.
2036 ഒളിമ്പിക്സില് വടകരക്ക് ഒരു മെഡല് എന്ന സ്വപ്നം യാഥാര്ഥ്യമാക്കാന് ഐപിഎം അക്കാദമി നടത്തുന്ന പ്രവര്ത്തനങ്ങളുടെ ഭാഗമാണ് ക്യാമ്പ്. കരാട്ടെ, ഫുട്ബോള്, ചെസ് എന്നിവയ്ക്കുള്ള സമ്മര് ക്യാമ്പുകളും വനിതാ ഫിറ്റ്നസിനുള്ള പ്രത്യക പ്രോഗ്രാമുകളും സംഘടിപ്പിക്കുന്നുണ്ട്.
