വട്ടോളി: ക്ഷേത്രമുറ്റത്ത് നിലവിളക്ക് തെളിഞ്ഞു. രക്ഷിതാക്കളുടെ മടിയിലിരുന്ന് കുട്ടിയുടെ നാവില്‍ സ്വണമോതിരം കൊണ്ട്
മേല്‍ശാന്തിയും മറ്റും ഹരിശ്രീ കുറിച്ചു.
കാലത്ത് തന്നെ പുത്തന്‍ ഉടുപ്പണിയിച്ച് കുരുന്നുകളുമായി രക്ഷിതാക്കള്‍ ക്ഷേത്രത്തില്‍ എത്തി. ക്ഷേത്രം വലം വെച്ച് പേര് വിളിക്കുന്നതനുസരിച്ച്
കുരുന്നുകളെ എഴുത്തിനിരുത്തി.
വട്ടോളി ശിവക്ഷേത്രത്തില്‍ മേല്‍ശാന്തി ശ്രീധരന്‍ നമ്പൂതിരിയും കുന്നുമ്മല്‍ ശ്രീ ഭഗവതി ക്ഷേത്രത്തില്‍ ശങ്കരന്‍ നമ്പൂതിരിയും അമ്പലക്കുളങ്ങര ശ്രീ പാര്‍വ്വതി പരമേശ്വര ക്ഷേത്രത്തില്‍ പ്രഭാഷകന്‍ കെ.പി.വിജയന്‍ പാതിരിപ്പറ്റയും വട്ടോളി വിശ്വമൂര്‍ത്തി ക്ഷേത്രത്തില്‍ വട്ടോളി നാഷനല്‍ ഹയര്‍ സെക്കണ്ടറി റിട്ടയേര്‍ഡ് പ്രിന്‍സിപ്പാള്‍ കെ.പി.സുരേഷും നരിക്കാട്ടേരി സുദര്‍ശനമൂര്‍ത്തി ക്ഷേത്രത്തില്‍ മേല്‍ശാന്തിയും കവിയും ഗാനരചയിതാവുമായ ഉണ്ണികൃഷ്ണന്‍ വാകയാട്ടില്ലവും വിദ്യാരംഭത്തിന് തുടക്കം കുറിച്ചു
-ആനന്ദന്‍ എലിയാറ
