മടപ്പള്ളി: കടത്തനാട് റിസര്‍ച്ച് സെന്ററും മടപ്പള്ളി ഗവ.കോളേജ് ചരിത്ര വിഭാഗവും സംയുക്തമായി രമേശന്‍ പാലേരി സ്മൃതി വികസന സെമിനാര്‍ സംഘടിപ്പിച്ചു. 
നാദാപുരംറോഡ് വാഗ്ഭടാനന്ദ ഓഡിറ്റോറിയത്തില്‍ ചരിത്രകാരന്‍ എ.എം. ഷിനാസ് ഉദ്ഘാടനം ചെയ്തു. വാഗ്ഭടാനന്ദന്റെ സന്ദേശങ്ങള്‍ അനീതി നിലനില്‍ക്കുന്ന കാലത്തോളം പ്രസക്തമാണെന്ന് അദ്ദേഹം പറഞു.
കടത്തനാട് റിസര്‍ച്ച് സെന്റര്‍ പ്രസിഡന്റ് ടി.കെ. ഭാസ്‌കരന്‍ അധ്യക്ഷനായി. സെക്രട്ടറി നിധിന്‍.ജെ റിപ്പോര്‍ട്ട് അവതരിപ്പിച്ചു. വാഗ്ഭടാനന്ദ പുരസ്‌കാര ജേതാക്കളായ ടി. രാജന്‍, പാട്യം ശശീന്ദ്രന്‍ എന്നിവര്‍ക്ക് യുഎല്‍സിസിഎസ് ചെയര്‍മാന്‍ എസ്. ഷാജു പുരസ്‌കാരങ്ങള്‍ 
സമര്‍പ്പിച്ചു. 10001 രൂപയും പ്രശസ്തിപത്രവും ശില്‍പ്പവും അടങ്ങുന്നതാണ് പുരസ്‌കാരം.
വാഗ്ഭടാനന്ദ റിസര്‍ച്ച് ഫൗണ്ടേഷന്‍ റഫറന്‍സ് & ഡിജിറ്റല്‍ ലൈബ്രറി ഒഞ്ചിയം പഞ്ചായത്ത് പ്രസിഡന്റ് ഷജിന കൊടക്കാട്ട് ഉദ്ഘാടനം ചെയ്തു. ഡോ. കെ.പി. ഗണേശന്‍ (റിട്ട. സയന്റിസ്റ്റ് കാലിക്കറ്റ് യൂണിവേഴ്‌സിറ്റി ) മുഖ്യ പ്രഭാഷണം നടത്തി. തുടര്‍ന്ന് നടന്ന വികസന സെമിനാറില്‍
ഡോ സിജേഷ് കെ (അസി. പ്രൊഫ. ചരിത്ര വിഭാഗം ഗവ. കോളജ് മടപ്പള്ളി) മോഡറേറ്ററായി.
രമേശന്‍ പാലേരിയുടെ വികസനവീക്ഷണം ടി കെ കിഷോര്‍കുമാര്‍, വിദ്യാഭ്യാസത്തിന്റെ 
ഭാവിയും വര്‍ത്തമാനവും ഡോ പി കെ സഭിത്ത്, ‘വാഗ്ഭടാനന്ദന്റെ നവോഥാന-വികസന ചിന്തകള്‍’ യു കെ ശ്രീജിത്ത് ഭാസ്‌കര്‍ ‘പരിസ്ഥിതിയും വികസനവും’- ഡോ പി ദിലീപ് എന്നിവര്‍ പ്രബന്ധം അവതരിപ്പിച്ചു. ഡോ.പി.പി ഷാജു, ഒ കെ ചന്ദ്രന്‍, രാജാറാം തൈപ്പള്ളി എന്നിവര്‍ സംസാരിച്ചു. എം.കെ. വസന്തന്‍ സ്വാഗതം പറഞ്ഞു. വിവിധ കലാശാലകളെ പ്രതിനിധീകരിച്ചു വിദ്യാര്‍ഥികളെയും വികസനോന്മുഖ കാഴ്ചപ്പാടുകള്‍ മുന്നോട്ട് വെക്കുന്ന പൊതുജനങ്ങളെയും പ്രതിനിധീകരിച്ചുകൊണ്ട് നിരവധി പേര്‍ പങ്കെടുത്തു.
