ആലപ്പുഴ: സിപിഎം മെമ്പര്ഷിപ്പ് പുതുക്കില്ലെന്ന് മുതിര്ന്ന നേതാവും മുന്മന്ത്രിയുമായ ജി. സുധാകരന്. സിപിഎം സംസ്ഥാന സെക്രട്ടറി എം.വി.ഗോവിന്ദന് വാര്ത്താസമ്മേളനത്തില് 
തന്നെ പരിഹസിച്ചെന്നും ഇതൊന്നും ചോദിക്കാനോ തിരുത്താനോ ആരും തയ്യാറായില്ലെന്നും സുധാകരന് ഫേസ്ബുക് കുറിപ്പില് പറഞ്ഞു. ഈ സാഹചര്യത്തില് പാര്ട്ടിയില് തുടര്ന്ന് മേല്പ്പറഞ്ഞ നേതാക്കള്ക്ക് ബുദ്ധിമുട്ടുണ്ടാക്കാന് ആഗ്രഹിക്കുന്നില്ലെന്നും മെമ്പര്ഷിപ്പ് പുതുക്കുന്നില്ലെന്നും അദ്ദേഹം വ്യക്തമാക്കി.
പാര്ട്ടിയില് താന് നേരിട്ട അവഗണനകള് എണ്ണിയെണ്ണി പറയുന്നതാണ് സുധാകരന്റെ കുറിപ്പ്. ‘സംസ്ഥാന സെക്രട്ടറി തന്നെ പത്രസമ്മേളനത്തില് ഒരു ചോദ്യത്തിന് മറുപടിയായി ഞാന് ഒരു പരിഗണനയും അര്ഹിക്കുന്ന ആളല്ല എന്ന അര്ഥം വരുന്ന ശരിയല്ലാത്ത പ്രയോഗം 
നടത്തുകയും കളിയാക്കി ചിരിക്കുകയും ചെയ്തു. അത് കേട്ട് പത്രക്കാരെല്ലാം പൊട്ടിച്ചിരിക്കുന്നതും കണ്ടു. ഇതൊന്നും ചോദിക്കാനോ തിരുത്താനോ ആരും തയ്യാറായിട്ടില്ല. കൂടുതല് സംഭവങ്ങള് വിവരിക്കുന്നില്ല. ഈ സാഹചര്യത്തില് പാര്ട്ടിയില് തുടര്ന്ന് മേല്പ്പറഞ്ഞ നേതാക്കള്ക്ക് ബുദ്ധിമുട്ടുണ്ടാക്കാന് ആഗ്രഹിക്കുന്നില്ല. അതിനാല് ഈ മെമ്പര്ഷിപ്പ് സ്ക്രൂട്ട്ണി കാലത്ത് സ്വമനസാലെ പുതുക്കാതെ ഇരിക്കുകയാണ്. ആശയാദര്ശങ്ങളില് ജനലക്ഷങ്ങളോടൊപ്പം ഉറച്ചുനില്ക്കുകയും ചെയ്യും. എല്ലാവര്ക്കും ആശംസകള്. നന്ദി..’ – ഫേസ്ബുക്ക് കുറിപ്പില് സുധാകരന് പറയുന്നു.
