ന്യൂഡല്ഹി: രാജ്യത്ത് പെട്രോള്, ഡിസല് വില കുറച്ച് കേന്ദ്ര സര്ക്കാര്. ലിറ്ററിന് രണ്ട് രൂപ വീതമാണ് കുറവ് വരുത്തിയിരിക്കുന്നത്. പുതുക്കിയ വില നാളെ രാവിലെ ആറ് മണി മുതല് പ്രാബല്യത്തില് വരും. കേന്ദ്ര പെട്രോളിയം മന്ത്രി ഹര്ദീപ് സിംഗ് പുരിയാണ് പെട്രോള്, ഡീസല് വിലക്കുറവിന്റെ കാര്യം ഔദ്യോഗിക എക്സ് പേജ് വഴി അറിയിച്ചത്. രാജ്യത്തെ ജനങ്ങളാണ് തന്റെ കുടുംബമെന്നും അവരുടെ ക്ഷേമമാണ് തന്റെ ലക്ഷ്യമെന്നും പ്രധാനമന്ത്രി തന്റെ തീരുമാനത്തിലൂടെ തെളിയിച്ചിരിക്കുകയാണെന്ന് മന്ത്രി കുറിച്ചു. രാജ്യത്ത് പെട്രോള് ഡീസല് വില സമീപഭാവിയില് കുറവ് വരുത്താന് കഴിയില്ലെന്ന് മന്ത്രി ജനുവരിയില് പറഞ്ഞിരുന്നു. വില കുറയ്ക്കുമെന്ന
വാര്ത്ത ശരിയല്ലെന്നും അത് വെറും മാധ്യമസൃഷ്ടി മാത്രമാണെന്നുമായിരുന്നു അന്ന് അദ്ദേഹത്തിന്റെ വെളിപ്പെടുത്തല്.