അ​ർ​ജു​ൻ ആ​യ​ങ്കി 14 ദി​വ​സ​ത്തേ​ക്ക് റി​മാ​ൻ​ഡി​ൽ

ക​ണ്ണൂ​ർ: സോ​ഷ്യ​ൽ മീ​ഡി​യ വ​ഴി ആ​ഭ്യ​ന്ത​ര​മ​ന്ത്രി​യെ ഭീ​ഷ​ണി​പ്പെ​ടു​ത്തു​ക​യും ക​ലാ​പാ​ഹ്വാ​നം ന​ട​ത്തു​ക​യും ചെ​യ്ത കേ​സി​ൽ അ​റ​സ്റ്റി​ലാ​യ അ​ർ​ജു​ൻ ആ​യ​ങ്കി​യെ 14 ദി​വ​സ​ത്തേ​ക്ക് റി​മാ​ൻ​ഡ് ചെ​യ്തു. കൂ​ത്തു​പ​റ​മ്പ് മ​ജി​സ്‌​ട്രേ​റ്റാ​ണ് ആ​യ​ങ്കി​യെ 14 ദി​വ​സ​ത്തേ​ക്ക് റി​മാ​ൻ​ഡ് ചെ​യ്ത​ത്.

ക​ണ്ണൂ​ർ സൈ​ബ​ർ ക്രൈം ​പോ​ലീ​സ് എ​ടു​ത്ത കേ​സി​ൽ ജാ​മ്യ​മി​ല്ലാ വ​കു​പ്പു​ക​ൾ ചു​മ​ത്തി​യാ​ണ് ഇ​യാ​ളെ റി​മാ​ൻ​ഡ് ചെ​യ്ത​ത്. കോ​ട​തി ഉ​ത്ത​ര​വി​നെ തു​ട​ർ​ന്ന് അ​ർ​ജു​ൻ ആ​യ​ങ്കി​യെ ത​ല​ശ്ശേ​രി സ​ബ് ജ​യി​ലി​ലേ​ക്ക് കൊ​ണ്ടു​പോ​യി. നി​ല​വി​ൽ അ​ഭി​ഭാ​ഷ​ക​ർ ജാ​മ്യാ​പേ​ക്ഷ ന​ൽ​കി​യി​ട്ടി​ല്ല.

ഇ​യാ​ളെ ക​സ്റ്റ​ഡി​യി​ൽ വാ​ങ്ങു​ന്ന​തി​നാ​യി എ​റ​ണാ​കു​ളം ഊ​ന്നു​ക​ൽ പോ​ലീ​സ് തി​ങ്ക​ളാ​ഴ്ച കോ​ട​തി​യി​ൽ പ്രൊ​ഡ​ക്ഷ​ൻ വാ​റ​ന്‍റി​നാ​യി അ​പേ​ക്ഷ സ​മ​ർ​പ്പി​ക്കും. അ​പേ​ക്ഷ അ​നു​വ​ദി​ച്ചാ​ൽ മാ​ത്ര​മേ അ​ർ​ജു​നെ എ​റ​ണാ​കു​ള​ത്തേ​ക്ക് കൊ​ണ്ടു​പോ​കാ​ൻ സാ​ധി​ക്കു​ക​യു​ള്ളൂ.

കഴിഞ്ഞ കുറച്ച് ദിവസങ്ങളായി ഒളിവിലായിരുന്ന അർജുൻ ആയങ്കിക്കായി സംസ്ഥാനത്തിനകത്തും പുറത്തും പൊലീസ് വ്യാപക തെരച്ചിൽ നടത്തിയിരുന്നു. വാഹനങ്ങൾ മാറിമാറി ഉപയോഗിച്ച് അന്വേഷണ സംഘത്തിന്റെ കണ്ണുവെട്ടിച്ചുമാണ് അർജുൻ ആയങ്കി കഴിഞ്ഞ ദിവസങ്ങളിൽ യാത്ര ചെയ്‌തിരുന്നത്.

ഒളിവിൽ കഴിഞ്ഞ സമയത്തെല്ലാം സോഷ്യൽ മീഡിയയിൽ സജീവമായിരുന്നു ഇയാൾ. കേസ് നടത്തിപ്പിനാവശ്യമായ ഫണ്ട് വേണമെന്നാവശ്യപ്പെട്ട് ഇൻസ്റ്റഗ്രാമിൽ സ്റ്റോറിയിലൂടെ ക്യൂ ആർ കോഡും പങ്കുവച്ചിരുന്നു.