വടകര: പുത്തൂര്‍ 110 കെ.വി സബ്സ്റ്റേഷനു സമീപം റിട്ട.പോസ്റ്റ്മാന്‍ പാറേമ്മല്‍ രവീന്ദ്രന്‍, മകന്‍ ആകാശ് എന്നിവര്‍ക്കു നേരെ 
മുഖംമൂടി ആക്രമണം നടത്തിയവരെ അറസ്റ്റ് ചെയ്യാത്തതില്‍ പുത്തൂരിലെ കോണ്‍ഗ്രസ് കമ്മിറ്റി പ്രതിഷേധിച്ചു. പ്രതികളെ ഉടന്‍ പിടികൂടണമെന്ന് യോഗം ആവശ്യപ്പെട്ടു. പുറന്തോടത്ത് സുകുമാരന്‍ അധ്യക്ഷത വഹിച്ചു. സുനീഷ് എം.ഇ, അരവിന്ദന്‍, ദിവാകരന്‍.കെ. മോഹനകൃഷ്ണന്‍ എന്നിവര്‍ പ്രസംഗിച്ചു.
പുത്തൂരിലെ പാറേമ്മല്‍ രവീന്ദ്രനെയും മക്കളെയും രാത്രിയില്‍ വീട്ടില്‍ കയറി അക്രമിച്ച് പരിക്കേല്‍പ്പിച്ച സംഭവത്തില്‍ അന്വേഷണം നടത്തി പ്രതികളെ ഉടനെ അറസ്റ്റ് ചെയ്യണമെന്ന് സിപിഎം പുത്തൂര്‍ ബ്രാഞ്ച് കമ്മിറ്റി ആവശ്യപ്പെട്ടു. സംഭവത്തില്‍ കടത്തനാട് റസിഡന്‍സ് അസോസിയേഷനും പ്രതിഷേധിച്ചിരുന്നു.
