നാദാപുരം: താമസ സ്ഥലത്ത് അതിക്രമിച്ച് കയറി 23 കാരിയായ ഭര്‍തൃമതിയെ പീഡിപ്പിച്ചതിന് ബംഗാള്‍ സ്വദേശി അറസ്റ്റില്‍. 
വെസ്റ്റ് ബംഗാള്‍ 24 ഫര്‍ഗാന സ്വദേശി മൊത്തലബ് മൊല്ലയെയാണ് (25) നാദാപുരം പോലീസ് അറസ്റ്റ് ചെയ്തത്. ഇക്കഴിഞ്ഞ ഒന്നാം തിയ്യതി പരാതിക്കാരിയുടെ ഭര്‍ത്താവ് നാട്ടില്‍ പോയതറിഞ്ഞ് ഇവരുടെ താമസസ്ഥലത്ത് അതിക്രമിച്ച് കയറി പീഡിപ്പിക്കുകയായിരുന്നു. യുവതിയുടെ നഗ്‌ന ഫോട്ടോ പകര്‍ത്തുകയും സംഭവം പുറത്തറിയിച്ചാല്‍ യുവതിയെയും കുഞ്ഞിനെയും കൊല്ലുമെന്ന് ഭീഷണിപ്പെടുത്തുകയും ചെയ്തു. പീഡനത്തിന് നാല് ദിവസത്തിനു ശേഷം വീണ്ടും പ്രതി നഗ്‌ന ദൃശ്യങ്ങള്‍ പുറത്ത് വിടുമെന്ന് ഭീഷണി പെടുത്തി യുവതിയെ വീണ്ടും പീഡിപ്പിച്ചെന്നും പരാതിയില്‍ പറയുന്നു. പെരിങ്ങത്തൂരില്‍ 
കോഴിക്കടയിലെ തൊഴിലാളിയായ പ്രതിയെ പോലീസ് അറസ്റ്റ് ചെയ്ത് കോടതിയില്‍ ഹാജരാക്കി റിമാന്റ് ചെയ്തു.
