തിരുവനന്തപുരം: സംസ്ഥാനത്ത് ഇന്നും 15 മിനിറ്റ് മുതല് അരമണിക്കൂര് വരെ വൈദ്യുതി 
നിയന്ത്രണത്തിന് സാധ്യതയെന്ന് കെഎസ്ഇബി. വൈകീട്ട് ഏഴ് മണിമുതല് 12 മണി വരെയുള്ള സമയങ്ങളില് വൈദ്യുതി ഭാഗികമായി തടസപ്പെടാനാണ് സാധ്യത. ദേശീയതലത്തില് വൈദ്യുതിയുടെ കുറവ് ഉണ്ടായതാണ് വൈദ്യുതി നിയന്ത്രണത്തിന് കാരണമെന്നാണ് കെഎസ്ഇബി വ്യക്തമാക്കുന്നത്. ഇന്നലെ സംസ്ഥാനത്ത് ഭാഗികമായി വൈദ്യുതി നിയന്ത്രണമുണ്ടായിരുന്നു. 600 മുതല് 700 മെഗാവാട്ടിന്റെ കുറവ് പീക്ക് സമയങ്ങളില് കേരളത്തില് ഉണ്ടെന്ന് കെഎസ്ഇബി വ്യക്തമാക്കി. പവര് എക്സ്ചേഞ്ചില് 
നിന്ന് വൈദ്യുതി ലഭിക്കാത്തതും മഴ കുറഞ്ഞതും പ്രതിസന്ധിക്ക് കാരണമായെന്നും വിശദീകരണമുണ്ട്. ഇന്നലെ രാത്രി ഏഴിനുശേഷം 15 മുതൽ 30 മിനിട്ടുവരെ പലയിടത്തും വൈദ്യുതി മുടങ്ങിയിരുന്നു. വിവിധ സ്രോതസുകളിൽ നിന്നുള്ള വൈദ്യുതി ഉത്പാദനത്തിൽ കുറവുണ്ടായതും പ്രതിസന്ധി സൃഷ്ടിക്കുന്നുവെന്ന് അധികൃതർ പറയുന്നു.
