കോഴിക്കോട്: കോഴിക്കോട് റെയിൽവേ സ്റ്റേഷനിൽ ആന്ധ്രപ്രദേശിൽനിന്ന് ട്രെയിൻ മാർഗം 
കടത്തിക്കൊണ്ടുവന്ന 19 കിലോഗ്രാം കഞ്ചാവുമായി യുവതി പിടിയിൽ.
പശ്ചിമ ബംഗാൾ നോർത്ത് പർഗനാസ് സ്വദേശി മിനോതി സർദാറാണ് (35) റെയിൽവേ പോലീസിന്റെയും ആർപിഎഫിന്റെയും സംയുക്ത പരിശോധനയിൽ അറസ്റ്റിലായത്.
ചെന്നൈ–മംഗലാപുരം എക്സ്പ്രസ് ട്രെയിനിലെ ജനറൽ കോച്ചിലാണ് ഇവർ നിരോധിത ലഹരിവസ്തു ഒളിപ്പിച്ചു കടത്തിയത്. പ്രതി ഇതിനു മുൻപും സമാന രീതിയിൽ കോഴിക്കോട്ടേക്ക് കഞ്ചാവ് എത്തിച്ചിട്ടുണ്ടോയെന്ന കാര്യം പോലീസ് വിശദമായി അന്വേഷിച്ചു വരികയാണ്.
