പുറമേരി: റബ്ബറിന് താങ്ങുവില ഉറപ്പാക്കാന് സര്ക്കാര് കാണിച്ച ശ്രദ്ധ നാളികേര കര്ഷകരുടെ കാര്യത്തിലും ഉണ്ടാകണമെന്നും, നാളികേരത്തിനും മികച്ച താങ്ങുവില 
പ്രഖ്യാപിക്കണമെന്നും പാറക്കല് അബ്ദുള്ള എംഎല്എ. പുറമേരി ഗ്രാമപഞ്ചായത്ത് കൃഷി ഭവന്റെ നേതൃത്വത്തില് സംഘടിപ്പിച്ച കര്ഷക ദിനാഘോഷം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
കേരകര്ഷകര് കടുത്ത പ്രതിസന്ധിയിലൂടെയാണ് കടന്നുപോകുന്നത്. കേടുപാടുകളും തെങ്ങ് നശീകരണവും ഉല്പ്പാദനച്ചെലവ് വര്ധിച്ചതും കാരണം കാര്ഷിക മേഖല ഉപജീവനമാര്ഗമെന്ന നിലയില് ഉപേക്ഷിക്കേണ്ട അവസ്ഥയിലാണ് പലരും. റബ്ബര് കര്ഷകര്ക്ക് നല്കുന്ന പ്രോത്സാഹനത്തിന് സമാനമായി നാളികേരത്തിനും ന്യായമായ 
തറവില നിശ്ചയിച്ച് സംഭരണം ഊര്ജിതമാക്കി കര്ഷകരെ സഹായിക്കണമെന്ന് അദ്ദേഹം കൂട്ടിച്ചേര്ത്തു.
ചടങ്ങില് മികച്ച കര്ഷകര്ക്ക് അവാര്ഡ് വിതരണവും നടത്തി. പുറമേരി ഗ്രാമപഞ്ചായത്ത് കമ്മ്യൂണിറ്റി ഹാളില് നടന്ന ചടങ്ങില് പഞ്ചായത്ത് പ്രസിഡന്റ് പി ശ്രീലത അധ്യക്ഷത വഹിച്ചു. കൃഷി ഓഫീസര് വൈഷ്ണവ് എസ് സ്വാഗതം ആശംസിച്ചു .വൈസ് പ്രസിഡണ്ട് സബീദ കേളോത്ത്, സ്റ്റാന്റിംഗ് കമ്മറ്റി ചെയര്പേഴ്സണ്മാരായ അജയന് പുതിയോട്ടില് , അലീമത്ത് എന് കെ, ഷംസു മഠത്തില്, അസിസ്റ്റന്റ് സെക്രട്ടറി മനോജന്, സി ഡി എസ് ചെയര് പേഴ്സണ് സ്വപ്ന, എം എ ഗഫൂര് വിവിധ രാഷ്ട്രീയ പാര്ട്ടി പ്രതിനിധികളായ പി.ദാമോദരന്, കെ മുഹമ്മദ് സാലി, കെ ടി കെ ബാലകൃഷ്ണന്, ചന്ദ്രന് പി കെ, എന് കെ 
രാജഗോപാല് മനോജ് മുതുവടത്തൂര്, ടി കെ രാഘവന്, കൃഷി അസിസ്റ്റന്റ്മാരായ പ്രജിത്ത് കുമാര്, ആര്യറാണി ജേക്കബ് തുടങ്ങിയവര് സംസാരിച്ചു.
ചടങ്ങില് ബാബു വി വാഴയില് (മികച്ച കര്ഷകന്), കണ്ണന് അജേഷ് നിലയം (മുതിര്ന്ന കര്ഷക തൊഴിലാളി), ഹലീമ തച്ചോളി താഴെ കുനിയില് (മികച്ച വനിതാ കര്ഷക), റിജേഷ് സ്വരലയം (എസ്.സി വിഭാഗത്തിലെ മികച്ച കര്ഷകന് ), ശ്രീജിത്ത് ശ്രീനിലയം (മികച്ച ക്ഷീരകര്ഷകന്), നാസര് കണ്ടോത്ത് (മികച്ച ജൈവ കര്ഷകന്), സുരേഷ് കൊപ്രകളത്തില് (മികച്ച മത്സ്യ കര്ഷകന്), ശ്യാമിലി & സലീന ബാലിയില് താഴെ കുനിയില് (വിദ്യാ ര്ത്ഥി കര്ഷകര്) എന്നിവരെ ആദരിച്ചു.
