തിരുവനന്തപുരം: പ്രോടെം സ്പീക്കറായി മുതിര്ന്ന നിയമസഭാംഗം ജി. സുധാകരന് സത്യപ്രതിജ്ഞ ചെയ്തു. ഇന്നു രാവിലെ ലോക്ഭവനില് ഗവര്ണറുടെ ചേംബറിലായിരുന്നു 
സത്യപ്രതിജ്ഞാ ചടങ്ങ് നടന്നത്. ഗവര്ണര് രാജേന്ദ്ര വിശ്വനാഥ അര്ലേക്കര് സത്യവാചകം ചൊല്ലിക്കൊടുത്തു.
നിയമസഭാംഗമായി സത്യപ്രതിജ്ഞ ചെയ്ത ശേഷമാണ് അദ്ദേഹം പ്രോടെം സ്പീക്കറായി സത്യപ്രതിജ്ഞ ചെയ്തത്. മുഖ്യമന്ത്രി വി.ഡി.സതീശനും മന്ത്രിസഭയിലെ മുഴുവന് മന്ത്രിമാരും ചടങ്ങില് പങ്കെടുത്തു.
വ്യാഴാഴ്ച രാവിലെയാണ് നിയമസഭയില് എംഎല്എമാരുടെ സത്യപ്രതിജ്ഞാ ചടങ്ങ്. എംഎല്എമാര്ക്ക് സത്യവാചകം ചൊല്ലിക്കൊടുക്കുന്നത് പ്രോടെം സ്പീക്കറാണ്. പുതിയ സ്പീക്കറെ തെരഞ്ഞെടുക്കുന്നത് വരെയാണ് പ്രോടെം സ്പീക്കറുടെ ചുമതല.സ്പീക്കർ 
സ്ഥാനത്തേക്ക് തിരുവഞ്ചൂർ രാധാകൃഷ്ണനെയും ഡെപ്യൂട്ടി സ്പീക്കറായി ഷാനിമോൾ ഉസ്മാനെയും വിജയിപ്പിക്കാനാണ് യു.ഡി.എഫ് നീക്കം.
