തിരുവനന്തപുരം: അമേരിക്കയും ഇസ്രയേലും ചേര്ന്ന് ഇറാനെതിരെ നടത്തിക്കൊണ്ടിരിക്കുന്ന യുദ്ധത്തിനെതിരെ കേരളത്തില് എല്ഡിഎഫിന്റെ
ആഭിമുഖ്യത്തില് മൂന്ന് ബഹുജനറാലികള് സംഘടിപ്പിക്കുമെന്ന് കണ്വീനര് ടി.പി.രാമകൃഷ്ണന്. മാര്ച്ച് ആറിന് കോഴിക്കോട് മുതലക്കുളത്തും ഏഴിന് കൊച്ചി മറൈന് ഡ്രൈവിലും എട്ടിന് തിരുവനന്തപുരം കിഴക്കേകോട്ടയിലെ നായനാര് പാര്ക്കിലുമാണ് റാലികള് സംഘടിപ്പിക്കുന്നത്. ബഹുജന കൂട്ടായ്മയായി റാലി സംഘടിപ്പിക്കുമെന്നും കേരളത്തിലുടനീളം യുദ്ധത്തിനെതിരെ ജനങ്ങളെ അണിനിരത്തുന്നതിനായി എല്ലാ പരിശ്രമങ്ങളും നടത്തുമെന്നും അദ്ദേഹം പറഞ്ഞു. അമേരിക്കയ്ക്കെതിരെ ലോകരാജ്യങ്ങള് ഒന്നിച്ച് നില്ക്കണം. അമേരിക്കന് സാമ്രാജ്യത്വം ലോക പോലീസ് എന്നതില് നിന്ന് മാറി അമേരിക്കയ്ക്ക് എതിരായ എല്ലാ രാജ്യങ്ങളെയും തകര്ക്കുക എന്ന നിലപാടാണ് സ്വീകരിക്കുന്നത്. ആയിരത്തിലധികം പേര് മരിച്ചു കഴിഞ്ഞു. ഒരു തെറ്റും ചെയ്യാത്ത കുഞ്ഞുങ്ങള് അടക്കമാണ് യുദ്ധത്തില് കൊല്ലപ്പെട്ടതെന്നും ടി.പി.രാമകൃഷ്ണന് വാര്ത്താസമ്മേളനത്തില് പറഞ്ഞു.
- Latest
- Trending
