അബുദാബി: ഇറാന്റെ മിസൈല് ആക്രമണത്തില് അഞ്ച് ഇന്ത്യക്കാര്ക്ക് പരിക്കേറ്റതായി അബുദാബി അധികൃതര്. യുഎഇ തകര്ത്ത ബാലിസ്റ്റിക് മിസൈലിന്റെ അവശിഷ്ടങ്ങള്
വീണ് തീപടര്ന്നാണ് ഇവര്ക്ക് പരിക്കേറ്റത്. അബുദാബിയില് രണ്ടിടത്ത് തീപിടിത്തം ഉണ്ടായി. പ്രത്യേക സാമ്പത്തിക മേഖലയായ കെസാദ് പരിസരത്താണ് തീപിടിത്തം ഉണ്ടായത്. യുഎഇ വ്യോമപ്രതിരോധ സംവിധാനം തകര്ത്ത ബാലിസ്റ്റിക് മിസൈലിന്റെ അവശിഷ്ടങ്ങള് പതിച്ചതാണ് തീപിടിത്തമുണ്ടായതെന്ന് അധികൃതര് സ്ഥിരീകരിച്ചു. ഇറാന്റെ ആണവ കേന്ദ്രങ്ങള് ഇസ്രയേല് ആക്രമിച്ച് മണിക്കൂറുകള്ക്കകം സൗദി അറേബ്യയിലെ യുഎസ് സൈനിക കേന്ദ്രത്തില് ഇറാന് ആക്രമണം നടത്തി. നിരവധി ജീവനക്കാര്ക്ക് പരിക്കേല്ക്കുകയും സൈനിക വിമാനങ്ങള്ക്ക് കേടുപാടുകള് സംഭവിക്കുകയും ചെയ്തു.
അതേസമയം, ഗള്ഫ് മേഖലയില് സംഘര്ഷം വര്ധിച്ച സാഹചര്യത്തില് ഇന്നലെ ഗള്ഫ് സഹകരണ കൗണ്സില് (ജിസിസി) യോഗം ചേര്ന്നിരുന്നു. സമാധാനത്തിന് മുന്ഗണന
നല്കുന്ന നിലപാടില് ഉറച്ചുനില്ക്കുമെന്നാണ് അധികൃതര് പ്രഖ്യാപിച്ചത്. ജിസിസി രാജ്യങ്ങള് സംയമനം പാലിക്കുകയാണെന്നും മേഖലയുടെ സുരക്ഷ മുന്നിര്ത്തി ഇറാനെതിരായ സൈനിക നീക്കങ്ങളില് പങ്കാളികളാകില്ലെന്നും ജിസിസി സെക്രട്ടറി ജനറല് ജാസിം മുഹമ്മദ് അല് ബുദൈവി റിയാദില് നടത്തിയ വാര്ത്താസമ്മേളനത്തില് വ്യക്തമാക്കി. ഇറാനെ ലക്ഷ്യമിട്ടുള്ള ആക്രമണങ്ങള്ക്കായി ജിസിസി രാജ്യങ്ങളുടെ മണ്ണോ ആകാശമോ ഉപയോഗിക്കാന് അനുവദിക്കില്ലെന്ന നയതന്ത്രപരമായ നിലപാടാണ് ഗള്ഫ് രാഷ്ട്രങ്ങള് സ്വീകരിച്ചിരിക്കുന്നത്. യുദ്ധത്തിന് പകരം ചര്ച്ചകളിലൂടെ പ്രശ്നപരിഹാരം കണ്ടെത്തണമെന്നാണ് ജിസിസിയുടെ പക്ഷം. സമാധാനപരമായ നയതന്ത്ര പരിഹാരത്തിനാണ് തങ്ങള് മുന്ഗണന നല്കുന്നത്. എങ്കിലും, അന്താരാഷ്ട്ര നിയമങ്ങള്ക്കനുസൃതമായി സ്വയം പ്രതിരോധിക്കാന് ഗള്ഫ് രാജ്യങ്ങള്ക്ക് അവകാശമുണ്ടെന്ന് അദ്ദേഹം ഓര്മിപ്പിച്ചു.
- Latest
- Trending
