നരിപ്പറ്റ: പുരോഗമന കലാസാഹിത്യ സംഘം നരിപ്പറ്റ യൂനിറ്റ് വീട്ടുമുറ്റ കൂട്ടായ്മ സംഘടിപ്പിച്ചു. കണ്ടോത്ത്കുനിയില് നടന്ന പരിപാടി പ്രശസ്ത സിനിമാ-നാടക നടന് മുഹമ്മദ് പേരാമ്പ്ര ഉദ്ഘാടനം ചെയ്തു. പുകസ നരിപ്പറ്റ യൂനിറ്റ് പ്രസിഡന്റ് പി.ടി.ശശി അധ്യക്ഷത വഹിച്ചു. കുന്നുമ്മല് മേഖല സെക്രട്ടറി പി.പി.സജിത് കുമാര്, നരിപ്പറ്റ ഗ്രാമപഞ്ചായത്ത് വൈസ് പ്രസിഡന്റ് ബി.കെ.ബീന, പുകസ ജില്ലാ കമ്മിറ്റി മെമ്പര് എ.കെ.രാജീവന്, വനിതാ സാഹിതി നരിപ്പറ്റ കണ്വീനര് കെ.ബിന്ദു, കെ.ബാബു എന്നിവര് ആശംസകള് പറഞ്ഞു. കെ.പി.വേണു ഗോപാലന് സ്വാഗതവും പുകസ യൂനിറ്റ് സെക്രട്ടറി കെ.പി.ഷാജി നന്ദിയും പറഞ്ഞു. തുടര്ന്ന് വിവിധ കലാപരിപാടികള് അരങ്ങേറി.