കാര്ത്തികപ്പള്ളി: അര്പ്പണ വിജ്ഞാനവേദി ഗ്രന്ഥാലയം & വായനശാലയുടെ പുതിയ കെട്ടിടം വടകരയുടെ മുന് എംപി കെ. മുരളീധരന് ഉദ്ഘാടനം ചെയ്തു. വടകര ബ്ലോക്ക് പഞ്ചായത്ത് പ്രസിഡണ്ട് കോട്ടയില് രാധാകൃഷ്ണന് അധ്യക്ഷത വഹിച്ച ചടങ്ങില് പ്രശസ്ത 
കഥാകാരന് സുഭാഷ് ചന്ദ്രന് മുഖ്യ പ്രഭാഷണം നടത്തി. നിരവധി ഗ്രന്ഥങ്ങളുടെ കര്ത്താവും വാഗ്മിയുമായ ബി.കെ.തിരുവോത്തിന്റെ ഫോട്ടോ ലൈബ്രറി ഹാളില് ഷാഫി പറമ്പില് എംപി അനാച്ഛാദനം ചെയ്തു.
ഗ്രന്ഥശാലയുടെ സ്ഥാപക പ്രസിഡന്റ് ചാലില് ബാലകൃഷ്ണക്കുറുപ്പിനെ കെ.മുരളീധരന് പൊന്നാട അണിയിച്ചു. സംസ്ഥാന സ്കൂള് കലോത്സവത്തില് ഏകാഭിനയത്തിന് തുടര്ച്ചയായി മൂന്ന് വര്ഷം എ ഗ്രേഡ് നേടിയ ഉത്തരാമനോജിന് ഏറാമല ഗ്രാമ പഞ്ചായത്ത് പ്രസിഡന്റ് ഒ.കെ.കുഞ്ഞബ്ദുള്ളയും ജില്ലാതല അക്ഷരോത്സവം പ്രസംഗത്തില് രണ്ടാം 
സ്ഥാനം നേടിയ നിവേദിന് ജില്ലാലൈബ്രറി കൗണ്സില് സെക്രട്ടറി എന്.ഉദയനും ഉപഹാരങ്ങള് നല്കി. രമ്യതാശ്രീജിത്ത്, കെ.പി.ശ്രീധരന്, കെ.പി.മനോജ്കുമാര്, ദീപ് രാജ്.കെ, പാറക്കല്രവി, വി.പി.ഉമ്മര് ഹാജി, എന്.എം.ബിജു, പി.കെ.കുഞ്ഞിക്കണ്ണന്, ടി.കെ.വാസു കെ.കെ.കുമാരന്, സുരേഷ്ബാബു പാറക്കല്, കെ.പി.വിജയന് തുടങ്ങിയവര് സംസാരിച്ചു. രാവിലെ 10 മുതല് ആരംഭിച്ച വിവിധ സെഷനുകളില് രക്ഷാകര്തൃത്വം പുതുകാലത്ത്, കടത്തനാടിന്റെ ഫോക്ക് പാരമ്പര്യം, വായനയുടെ ലോകം, വായന; വിനോദം, വിജ്ഞാനം, അവബോധം തുടങ്ങിയ വിഷയങ്ങളെ അധികരിച്ച് പി.ഹരിന്ദ്രനാഥ്, ബാബു എ പി, ഒഞ്ചിയം പ്രഭാകരന്, രാജന്ചെറുവാട്ട്, പി.കെ.രാജന്, കെ.ടി.ദിനേശ്, പി.കെ.ശശികുമാര്, 
രാജഗോപാലന് കൊടക്കാട്ട് തുടങ്ങിയ പ്രമുഖര് സംസാരിച്ചു. സബര്മതി തിയേറ്റേഴ്സിന്റെ ‘ഒരു കോയിക്കോടന് ഹല്വ’എന്ന നാടകവും അരങ്ങേറി.
