തിരുവനന്തപുരം: സംസ്ഥാനത്ത് ഫെബ്രുവരി മാസത്തെ സാമൂഹിക സുരക്ഷാ, ക്ഷേമനിധി 
പെന്ഷന് വിതരണം ഇന്നു മുതല് ആരംഭിക്കും. 62 ലക്ഷത്തോളം ഗുണഭോക്താക്കള്ക്ക് 2,000 രൂപ വീതമാണ് പെന്ഷന് ലഭിക്കുക. ബാങ്ക് അക്കൗണ്ട് നമ്പര് നല്കിയിട്ടുള്ള 26.62 ലക്ഷം പേര്ക്ക് അക്കൗണ്ട് വഴിയും മറ്റുള്ളവര്ക്ക് സഹകരണ സംഘം വഴി വീടുകളിലും പെന്ഷന് എത്തിക്കും.
ക്ഷേമനിധി ബോര്ഡുകളില് അംഗങ്ങളായവര്ക്ക് അതത് ബോര്ഡുകള് വഴിയാണ് തുക 
വിതരണം ചെയ്യുക. ദേശീയ പെന്ഷന് പദ്ധതിയില് (എന്പിഎസ്) ഉള്പ്പെട്ട 8.46 ലക്ഷം പേര്ക്കുള്ള കേന്ദ്രവിഹിതം ലഭ്യമാകാത്ത സാഹചര്യത്തിലും പെന്ഷന് മുടങ്ങാതിരിക്കാന് സംസ്ഥാന സര്ക്കാര് നടപടി സ്വീകരിച്ചു. ഈ സര്ക്കാര് ഇതുവരെ 49,433.83 കോടി രൂപ ക്ഷേമപെന്ഷനായി വിതരണം ചെയ്തു.
