മുക്കാളി: ചോമ്പാല സിഎസ്‌ഐ ക്രിസ്ത്യന്‍ മുള്ളര്‍ വിമന്‍സ് കോളജില്‍ ബിഎ ഹിസ്റ്ററി കോഴ്‌സ് ആരംഭിച്ചു. ഹിസ്റ്ററി 
ഡിപ്പാര്‍ട്ട്‌മെന്റിന്റെ ഉദ്ഘാടനം മടപ്പള്ളി കോളജിലെ മുന്‍ അസോസിയേറ്റ് പ്രൊഫസര്‍ ഡോ. കെ.പി.അമ്മുക്കുട്ടി നിര്‍വഹിച്ചു. തലശ്ശേരി ബ്രണ്ണന്‍ കോളജ് അസോസിയേറ്റ് പ്രഫസര്‍ ഡോക്ടര്‍ വിനോദ് മുഖ്യപ്രഭാഷണം നടത്തി. വിവിധ സ്‌കൂളുകളിലെ ചരിത്ര അധ്യാപകരായ ശ്രീധരന്‍ (മടപ്പള്ളി ഗവണ്‍മെന്റ് ഹയര്‍സെക്കന്ററി സ്‌കൂള്‍), സരിത (ചെമ്പാട് ചോതാവൂര്‍ ഹയര്‍ സെക്കന്‍ഡറി സ്‌കൂള്‍), അനീഷ് (കരിയാട് നമ്പ്യാര്‍ ഹയര്‍ സെക്കന്‍ഡറി സ്‌കൂള്‍), വിനി (ചോറോട് ഗവണ്‍മെന്റ് ഹയര്‍ സെക്കന്‍ഡറി സ്‌കൂള്‍) എന്നിവരെ ആദരിച്ചു. മാനേജര്‍ ആനന്ദ് കെ നെല്‍സണ്‍, പ്രിന്‍സിപ്പല്‍ ഡോക്ടര്‍ പി.ശശികുമാര്‍, അഡ്മിനിസ്‌ട്രേറ്റീവ് ഓഫീസര്‍ ഷാജി 
ബഥേല്‍ എന്നിവര്‍ പങ്കെടുത്തു. സ്റ്റാഫ് അഡൈ്വസര്‍ ഷീല സ്വാഗതവും വൈസ് പ്രിന്‍സിപ്പല്‍ പ്രസ്മിത നന്ദിയും പറഞ്ഞു.
