ആയഞ്ചേരി: സാഹിത്യത്തിലും കലയിലും അഭിരുചിയുള്ള വിദ്യാര്‍ഥികള്‍ക്കായി ‘ഗലേറിയ’ സാഹിത്യ ശില്പശാല സംഘടിപ്പിച്ചു. 
നാദാപുരം ടിഐഎം ട്രെയിനിങ് കോളേജിലെ അധ്യാപക വിദ്യാര്‍ഥികളാണ് കടമേരി എംയുപി സ്‌കൂള്‍ വിദ്യാര്‍ഥികള്‍ക്കായി ശില്പശാല സംഘടിപ്പിച്ചത്. പ്രശസ്ത എഴുത്തുകാരന്‍ മജീദ് വാഫി കോടിയുറ ക്യാംപ് ഉദ്ഘാടനം ചെയ്തു. പ്രധാന അധ്യാപകന്‍ ടി.കെ.നസീര്‍ അധ്യക്ഷനായി. വാര്‍ഡ് മെംബര്‍ ടി.കെ. ഹാരിസ്, പി.ടി.എ. പ്രസിഡന്റ് മന്‍സൂര്‍ ഇടവലത്ത്, എസ്ആര്‍ജി കണ്‍വീനര്‍ പി.പ്രേംദാസ്, കെ.രതീഷ് എന്നിവര്‍ സംസാരിച്ചു. ക്യാംപിന് അധ്യാപക വിദ്യാര്‍ത്ഥികളായ കെ.കെ.റുഖ്‌സാനത്ത്, കെ.ഷറഫ, ഇ.പി.ഫാത്തിമ ഫര്‍ഹാന, റാജിയ ഷെറിന്‍, സി.ഒ.വിസ്മയ, സി.കെ.ഷിഫാന, കെ.പി.സഫാന എന്നിവര്‍ നേതൃത്വം നല്‍കി.
