വടകര: പോലീസ് -ആർഎസ്എസ് കൂട്ടുകെട്ടിനെതിരെ എസ്ഡിപിഐ സംഘടിപ്പിക്കുന്ന കുറ്റ്യാടി മണ്ഡലം വാഹന പ്രചരണ ജാഥ 25, 26 തീയതികളിൽ നടക്കുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു. നിയോജകമണ്ഡലം പ്രസിഡന്റ് നവാസ് കല്ലേരി നയിക്കുന്ന ജാഥ 25 ന് രാവിലെ 9 മണിക്ക് മയ്യന്നൂരിൽ ആരംഭിക്കും. ജാഥാക്യാപ്റ്റന് പതാക കൈമാറി എസ്ഡിപിഐ സംസ്ഥാന വൈസ് പ്രസിഡണ്ട് പി.അബ്ദുൽ ഹമീദ് ജാഥ ഉദ്ഘാടനം
ചെയ്യും. വിവിധ കേന്ദ്രങ്ങളിലെ സ്വീകരണത്തിനു ശേഷം ഒന്നാം ദിവസം ജാഥ ആയഞ്ചേരിയിൽ സമാപിക്കും. 26 ന് രാവിലെ 9 മണിക്ക് പള്ളിയത്ത് അങ്ങാടിയിൽ നിന്ന്
ആരംഭിക്കുന്ന ജാഥ വൈകിട്ട് വില്യാപ്പള്ളിയിൽ സമാപിക്കും. സമാപന സമ്മേളനം
സംസ്ഥാന പ്രസിഡന്റ് മൂവാറ്റു പുഴ അഷ്റഫ് മൗലവി ഉദ്ഘാടനം ചെയ്യും. ജില്ലാ ജനറൽ സെക്രട്ടറി എൻ. കെ. റഷീദ് ഉമരി, ജില്ലാ സെക്രട്ടറി പി കെ ഗോപി എന്നിവർ സംസാരിക്കും.
വാർത്താസമ്മേളനത്തിൽ മണ്ഡലം സെക്രട്ടറി പി. അബുലൈസ്, ജോ. സെക്രട്ടറി ഹമീദ് കല്ലുംപുറം, ആർ.എം റഹീം എന്നിവർ പങ്കെടുത്തു.
