വടകര: സോഷ്യലിസ്റ്റ് നേതാവും മുൻ എംഎൽഎയും അടിയന്തിരാവസ്ഥയുടെ കറുത്ത നാളുകളിൽ പോരാട്ടത്തിന് നേതൃത്വം നൽകിയ നേതാവുമായിരുന്ന അഡ്വ.എം.കെ.പ്രേംനാഥിന്റെ അനുസ്മരണ പരിപാടിയായ ‘കനൽ സ്മരണ’ ഇന്ന് (ഞായർ)
വൈകീട്ട് 3.30 ന് വില്യാപ്പളളിയിൽ നടക്കും. പരിപാടി മുൻ എംപിയും വാഗ്മിയുമായ ഡോ.സെബാസ്റ്റ്യൻ പോൾ ഉദ്ഘാടനം ചെയ്യും. ആർജെഡി സംസ്ഥാന ജനറൽ സെക്രട്ടറി സബാഹ് പുൽപ്പറ്റ, അടിയന്തിരാവസ്ഥ വിരുദ്ധ പോരാളി എബ്രഹം മാനുവൽ തുടങ്ങി
പ്രമുഖർ പങ്കെടുക്കുമെന്ന് ആർജെഡി കുറ്റ്യാടി മണ്ഡലം പ്രസിഡന്റ് വാസുവും സംഘാടക സമിതി ചെയർമാൻ ആയാടത്തിൽ രവീന്ദ്രനും അറിയിച്ചു.
