വടകര: എംയുഎം വിഎച്ച്എസ് സ്‌കൂള്‍ പിടിഎയുടെ ആഭിമുഖ്യത്തില്‍ പ്രതിഭാ സംഗമം സംഘടിപ്പിച്ചു. എസ്എസ്എല്‍സി, പ്ലസ് 
ടു, വിഎച്ച്എസ്ഇ, എന്‍എംഎംഎസ്, യുഎസ്എസ് തുടങ്ങിയ പരീക്ഷകളില്‍ ഉന്നത വിജയം നേടിയ പ്രതിഭകളേയും ഉപജില്ലാ ശാസ്‌ത്രോത്സവത്തില്‍ മികവ് തെളിയിച്ചവരെയും അനുമോദിച്ചു.
പ്രശസ്ത കവിയും ഗാന രചയിതാവുമായ രമേശ് കാവില്‍ പ്രതിഭാ സംഗമം ഉദ്ഘാടനം ചെയ്തു. പിടിഎ പ്രസിഡന്റ് കെ.ടി.യൂനുസ് അധ്യക്ഷത വഹിച്ച ചടങ്ങില്‍ എംഐ സഭ മാനേജര്‍ എം.പി.അബ്ദുല്‍ കരീം, മുന്‍ മാനേജര്‍ പ്രൊഫ: കെ.കെ മഹമൂദ്, വിഎച്ച്എസ്ഇ പ്രിന്‍സിപ്പല്‍ സി.കെ.അബ്ദുല്‍ വഹാബ്, ഹയര്‍ സെക്കന്ററി പ്രിന്‍സിപ്പള്‍ കെ.ഹാജറ, സ്റ്റാഫ് സെക്രട്ടറി പി.എം.മുസ്തഫ, പി.ടി.എ പ്രതിനിധി പി.കെ അബ്ദുല്‍ ലത്തീഫ്, അക്കാദമിക് കൗണ്‍സില്‍ കണ്‍വീനര്‍ ഇസ്മായില്‍ മാടാശ്ശേരി, അഷ്‌റഫ് കൊളേരിക്കണ്ടി, 
കെ.ഹാറൂണ്‍ തുടങ്ങിയവര്‍ ആശംസകള്‍ നേര്‍ന്നു. പ്രധാനാധ്യാപകന്‍ എന്‍.പി.അഷ്‌റഫ് സ്വാഗതവും എം.സാബിഖ് നന്ദിയും പറഞ്ഞു.
