മയക്കു മരുന്നിനെതിരെ പരിശോധന ശക്തമാക്കി പോലീസ്; നാദാപുരത്ത് മൂന്ന് പേർ അറസ്റ്റിൽ

നാദാപുരം: നാദാപുരം മേഖലയിൽ മയക്കു മരുന്നിനെതിരെ പരിശോധന ശക്തമാക്കി പോലീസ്. വിൽപ്പനക്കും ഉപയോഗത്തിനുമായി സൂക്ഷിച്ച കഞ്ചാവും എംഡിഎംഎയുമായി നാദാപുരത്ത് മൂന്ന് പേർ അറസ്റ്റിൽ. വില്യാപ്പള്ളി പൊൻമേരി പറമ്പിൽ വാകാരത്ത് വീട്ടിൽ അസ്ക്കർ സലീം (41) വാണിമേൽ ദയരോത്ത് കണ്ടിയിൽ ജിഷ്ണു (23 ), തൂണേരി കുന്നുമ്മൽ

വീട്ടിൽ മൂസ്സ ( 56 )  എന്നിവരെയാണ് നാദാപുരം പോലീസ് അറസ്റ്റ് ചെയ്തത്. ബസ് സ്റ്റാൻ്റ് പരിസരത്ത് നിന്നാണ് 17.55 ഗ്രാം കഞ്ചാവുമായി അസ്ക്കർ അലി പിടിയിലായത്. നരിപ്പറ്റ – കല്ല് നിര മുക്കിൽ എസ്ഐയും സംഘവും വാഹന പരിശോധന നടത്തുന്നതിനിടെ കെഎൽ 18 എഡി 9027 നമ്പർ സ്കൂട്ടർ നിർത്തിച്ച് പരിശോധിച്ചതിനിടെയാണ് 34 .O4 ഗ്രാം കഞ്ചാവ് പിടികൂടിയത്. പ്രതി സഞ്ചരിച്ചിരുന്ന സ്ക്കുട്ടറും പോലീസ് കസ്റ്റഡിയിലെടുത്തു. വാഹന പരിശോധനക്കിടെ കെ എൽ 18 എച്ച് 5077  മോട്ടോർ ബൈക്ക് തടഞ്ഞ് നിർത്തി നടത്തിയ പരിശോധനയിലാണ് പോയിൻ്റ് 42 ഗ്രാം എം ഡി എം എ യും 100 ഗ്രാം കഞ്ചാവുമായി മൂസ്സ പിടിയിലായത്. മോട്ടോർ ബൈക്കും പോലീസ് കസ്റ്റഡിയിൽ എടുത്തു.