നാദാപുരം: പ്രായപൂര്‍ത്തിയാകാത്ത വിദ്യാര്‍ഥിനിയെ തുടര്‍ച്ചയായി ശല്യം ചെയ്ത യുവാവിനെതിരെ പോലീസ് കേസെടുത്തു. 
തൂണേരി സ്വദേശി കുഞ്ഞിപ്പുരയില്‍ ആനന്ദ് അശോകനെതിരെയാണ് (20) നാദാപുരം പോലീസ് കേസെടുത്തത്. ജൂണ്‍ മുതല്‍ യുവാവ് പിന്തുടര്‍ന്ന് ശല്യം ചെയ്യുന്നതായാണ് പരാതി. സ്‌കൂളിലേക്കുള്ള വഴികളിലും മറ്റും യുവാവ് പിന്തുടര്‍ന്നെത്തി ശല്യം ചെയ്തതോടെ പോലീസില്‍ പരാതി നല്‍കുകയായിരുന്നു. പരാതിയില്‍ പോലീസ് കേസെടുത്തതറിഞ്ഞ് പ്രതി ഒളിവില്‍ പോയതായി സൂചനയുണ്ട്. പ്രതിക്കായി അന്വേഷണം ഊര്‍ജിതമാക്കിയതായി നാദാപുരം പോലീസ് അറിയിച്ചു.
