വടകര: ചെങ്കല്ലുമായി എത്തിയ ലോറി മണിയൂരില്‍ വീട്ടുമുറ്റത്തേക്ക് തല കീഴായി മറിഞ്ഞു. കാഴ്ചയില്‍ വന്‍ അപകടമാണെങ്കിലും 
ഭാഗ്യത്തിന് ആളപായമില്ല. ഇന്ന് വൈകീട്ടാണ് സംഭവം. ചെരണ്ടത്തൂര്‍ മാങ്ങംമൂഴി റോഡില്‍ നിന്ന് നിയന്ത്രണം വിട്ട് ലോറി താഴ്ചയിലേക്ക് മറിയുകയായിരുന്നു. വളവില്‍ കരീമിന്റെ വീട്ടുമുറ്റത്തേക്കാണ് ലോറി മറിഞ്ഞത്. വീട്ടിനു മുന്നില്‍ തലകീഴായാണ് ലോറി നിന്നത്. ഡ്രൈവറും സഹായിയും അത്ഭുതകരമായി രക്ഷപ്പെട്ടു. കല്ലുകള്‍ ദൂരേക്ക് തെറിച്ചു. ഈ സമയം ആരുമില്ലാതിരുന്നതും ആശ്വാസമായി. കണ്ണൂരിരില്‍ നിന്നു ചെരണ്ടത്തൂരിലേക്ക് ചെങ്കല്ല് കൊണ്ട് വന്ന കെഎല്‍ 13 എക്‌സ് 3602 
നമ്പര്‍ ലോറിയാണ് അപകടത്തില്‍പെട്ടത്. കണ്ണൂര്‍ ചാലോട് സ്വദേശി ജിതേഷിന്റേതാണ് ലോറി.
