ദോഹ: ഹ്രസ്വ സന്ദര്‍ശനാര്‍ഥം ദോഹയിലെത്തിയ യുഡിഎഫ് വടകര അസംബ്ലി മണ്ഡലം ചെയര്‍മാനും ബ്ലോക്ക് പഞ്ചായത്ത് 
മെമ്പറും തൊഴിലാളി നേതാവുമായ കോട്ടയില്‍ രാധാകൃഷ്ണന് ഇന്‍കാസ്-ഒഐസിസി ഖത്തര്‍ വടകര നിയോജകമണ്ഡലം കമ്മിറ്റി സ്വീകരണം നല്‍കി. ഇന്‍കാസ് കോഴിക്കോട് ജില്ലാ പ്രസിഡന്റ് വിപിന്‍ പി.കെ പരിപാടി ഉദ്ഘാടനം ചെയ്തു. ആക്ടിംഗ് പ്രസിഡന്റ് ഈസയുടെ അധ്യക്ഷതയില്‍ ചേര്‍ന്ന പരിപാടിക്ക് കെ കെ ഉസ്മാന്‍, സമീര്‍ ഏറാമല, അഷ്‌റഫ് വടകര, അബ്ബാസ് സി വി, മുഹമ്മദലി വാണിമേല്‍, ഹരീഷ് കുമാര്‍, പാറക്കല്‍ മുഹമ്മദ്, നജീബ് തൗഫീഖ് തുടങ്ങിയവര്‍ ആശംസകള്‍ നേര്‍ന്നു. കോട്ടയില്‍ രാധാകൃഷ്ണന് മറുപടി പറഞ്ഞു. ആഷിക് വടകര സ്വാഗതവും ഷംസു നടക്കല്‍ നന്ദിയും പറഞ്ഞു. സക്കീര്‍ സരിഗയും ടീമും അവതരിപ്പിച്ച 
മ്യൂസിക്കല്‍ നൈറ്റ് പരിപാടിക്ക് മാറ്റ് കൂട്ടി. ജില്ലാ-മണ്ഡലം കമ്മിറ്റി നേതാക്കളും വടകര നിയോജക മണ്ഡലത്തിലെ നിരവധി പ്രവര്‍ത്തകരും സന്നിഹിതരായിരുന്നു.
