കൊയിലാണ്ടി: കാറും ഓട്ടോയും കൂട്ടിയിടിച്ച് ഓട്ടോയിൽ കുടുങ്ങിയ ഡ്രൈവറെ അഗ്നി രക്ഷാ സേന രക്ഷപ്പെടുത്തി. ഇന്ന് രാവിലെ ചെങ്ങോട്ടുകാവിലാണ് അപകടം. കൊയിലാണ്ടിയിൽ നിന്നു കോഴിക്കോട് ഭാഗത്തേക്ക് പോകുന്ന ഓട്ടോയും എതിരെ വന്ന
കാറും കൂട്ടിയിടിക്കുകയായിരുന്നു. വിവരം കിട്ടിയതിന് തുടർന്ന് കൊയിലാണ്ടിയിൽ നിന്ന് അഗ്നിരക്ഷാസേന എത്തുമ്പോൾ ഇലക്ട്രിക് ഓട്ടോ ഓടിച്ച മഹമൂദ് ഓട്ടോയിൽ കുടുങ്ങിയ നിലയിലാ യിരുന്നു. ഉടൻതന്നെ സേന ഹൈഡ്രോളിക് കട്ടർ ഉപയോഗിച്ച് വാഹനഭാഗം വേർപെടുത്തി സുരക്ഷിതമായി പുറത്തെത്തിച്ചു. ആർക്കും വലിയ പരിക്കില്ല. ഗ്രേഡ്
എഎസ്ടിഒ എം. മജീദിൻ്റെ നേതൃത്വത്തിൽ ഫയർ ആൻഡ് റെസ്ക്യു ഓഫീസർമാരായ എം. ജാഹിർ, കെ.ബി.സുകേഷ് , എൻ.പി.അനൂപ്, രജിലേഷ്, ഹോം ഗാർഡ് ബാലൻ എന്നിവരാണ് രക്ഷാപ്രവർത്തനം നടത്തിയത്.
