കൊയിലാണ്ടി: ഷരീഫ് വി.കാപ്പാടിന്റെ രണ്ട് യാത്രാവിവരണങ്ങളടങ്ങിയ 
‘ഓര്‍മകള്‍ക്കെന്തൊരു സുഗന്ധം’ എന്ന പുസ്തകം പ്രശസ്ത സാഹിത്യകാരന്‍ പി.കെ.പാറക്കടവ് കഥാകൃത്ത് അബൂബക്കര്‍ കാപ്പാടിന് നല്‍കി പ്രകാശനം ചെയ്തു. ഓര്‍മകളുടെ മഴവില്‍ഭൂപടം (നോവല്‍), ഇത് അസ്വാഭാവിക മരണം ( കഥകള്‍) എന്നീ പുസ്തകങ്ങള്‍ക്കു പുറമെ മൂന്നാമത്തെ പുസ്തകമാണിത്.
പേരക്ക ബുക്‌സ് ഏഴാം വാര്‍ഷിക ചടങ്ങിലാണ് പ്രകാശന കര്‍മം നടന്നത്. കവിയും ഗാനരചയിതാവുമായ കൈതപ്രം ദാമോദരന്‍ നമ്പൂതിരി ചടങ്ങ് ഉദ്ഘാടനം ചെയ്തു. എഴുത്തുകാരായ യു.കെ.കുമാരന്‍, പി.പി.ശ്രീധരനുണ്ണി, സത്യചന്ദ്രന്‍ പൊയില്‍ക്കാവ്, കാനേഷ് പൂനൂര്‍, ഹംസ ആലുങ്ങല്‍, റഹ്‌മാന്‍ 
കിടങ്ങയം, ഷാഹിന.ഇ.കെ, ബിന്ദു ബാബു, ബിനേഷ് ചേമഞ്ചേരി, ആരിഫ അബ്ദുല്‍ ഗഫൂര്‍, രേഷ്മ ബാവ, പുരുഷന്‍ ചെറുകുന്ന് എന്നിവര്‍ സംബന്ധിച്ചു.
