കൊയിലാണ്ടി: വള്ളം തകര്‍ന്ന് കടലില്‍ അകപ്പെട്ട മത്സ്യതൊഴിലാളികളെ മറൈന്‍ എന്‍ഫോഴ്‌സ്‌മെന്റ് രക്ഷപ്പെടുത്തി. 
ബുധനാഴ്ച ഉച്ചയ്ക്കാണ് സംഭവം. പയ്യോളി ഭാഗത്ത് നിന്ന് അഞ്ച് നോട്ടിക്കല്‍ മൈല്‍ അകലെയാണ് അപകടം. ഷാലോം എന്ന കാരിയര്‍വള്ളമാണ് തകര്‍ന്നത്. വിവരം ലഭിച്ചതിനെ തുടര്‍ന്ന് പുതിയാപ്പ ഹാര്‍ബറില്‍ നിന്നു മറൈന്‍ എന്‍ഫോഴ്‌മെന്റ് എസ്‌ഐ രാജന്‍, നിധീഷ്, സുമേഷ്, സ്രാങ്ക് രാജു എന്നിവരടങ്ങുന്ന സംഘം ബോട്ടില്‍ കുതിച്ചെത്തി രക്ഷാപ്രവര്‍ത്തനം നടത്തി തൊഴിലാളികളെ രക്ഷപ്പെടുത്തുകയായിരുന്നു..
