പേരാമ്പ്ര: പേരാമ്പ്ര ഹയർ സെക്കൻഡറി സ്കൂളിലെ 8-ാം ക്ലാസ് വിദ്യാർത്ഥിനി പൂജ പി. ബൈജു സംസ്ഥാന കബഡി ടീമിലേക്ക് തിരഞ്ഞെടുക്കപ്പെട്ടു. ജില്ലാതല മത്സരങ്ങളിൽ മികച്ച പ്രകടനം കാഴ്ചവെച്ചതിനാലാണ് പൂജക്ക് സംസ്ഥാന ടീമിലേക്ക് സ്ഥാനം ലഭിച്ചത്. അടുത്ത
മാസം മഹാരാഷ്ട്രയിൽ നടക്കുന്ന ദേശീയ മത്സരത്തിൽ കേരള ടീമിനൊപ്പം പൂജ കളിക്കും. പേരാമ്പ്ര പാറപ്പുറം ബൈജു പി. ബാലന്റെയും രാശിയുടെയും മകളാണ് പൂജ.
