വിലങ്ങാട്: സെന്റ് ജോര്‍ജ് ഹൈസ്‌കൂളില്‍ കായിക രംഗത്ത് മികവ് പുലര്‍ത്തിയ പ്രതിഭകളെ അനുമോദിച്ചു. സംസ്ഥാന 
ഫുട്‌ബോള്‍ (അണ്ടര്‍-14) ടീമിലേക്ക് സെലക്ഷന്‍ നേടിയ ജിക്സന്‍ ജെയിന്‍, വാണിമേല്‍ ഗ്രാമ പഞ്ചായത്ത് എല്‍പി തല കോംപ്ലക്‌സ് മീറ്റില്‍ ഓവറോള്‍ ചാമ്പ്യന്‍ഷിപ്പ് നേടിയ കായിക താരങ്ങള്‍, വ്യക്തിഗത ചാമ്പ്യന്മാരായ അഭിനവ് പി പി (എല്‍പി മിനി, ബോയ്‌സ്), ആല്‍ബിന്‍ ടോം (എല്‍പി കിഡ്ഡീസ്, ബോയ്‌സ്) എന്നിവരെയാണ് അനുമോദിച്ചത്. സ്‌കൂള്‍ മാനേജര്‍ ഫാ.വില്‍സണ്‍ മുട്ടത്തുകുന്നേല്‍ പുരസ്‌കാരം വിതരണം ചെയ്തു. പി ടി എ പ്രസിഡന്റ് ഷെബി സെബാസ്‌ററ്യന്‍, എംപിടിഎ പ്രസിഡന്റ് ജെസ്‌ന സോണി എന്നിവര്‍ 
ആശംസകള്‍ നേര്‍ന്നു. ഹെഡ്മാസ്റ്റര്‍ ബിനു ജോര്‍ജ് സ്വാഗതവും സ്‌കൂള്‍ ലീഡര്‍ ആന്‍ മരിയ ജെയ്‌സണ്‍ നന്ദിയും പറഞ്ഞു.
